श्रीलंकेचे विरोधी पक्षनेते साजित प्रेमदासा यांनी संयुक्त राष्ट्र सुरक्षा परिषदेत (यूएनएससी) कायमस्वरूपी सदस्यत्वासाठी भारताच्या दीर्घकाळापासून प्रलंबित असलेल्या प्रयत्नांना पाठिंबा दिला आहे. ते त्या प्रयत्नांना पाठिंबा देत राहतील असेही त्यांनी स्पष्ट केले आहे. भारत दौऱ्यादरम्यान एएनआयला दिलेल्या मुलाखतीत प्रेमदासा म्हणाले की, संयुक्त राष्ट्र सुरक्षा परिषदेत भारताचा समावेश होणे ही आंतरराष्ट्रीय राजकारणातील व्यावहारिक वास्तवांची ओळख असेल.
“काही वर्षांपूर्वी, मीच भारताला संयुक्त राष्ट्र सुरक्षा परिषदेत कायमस्वरूपी स्थान देण्याबद्दल उघडपणे बोललो होतो. म्हणून हा माझ्यासाठी जुना विषय आहे,” असे प्रेमदासा म्हणाले. पुढे ते म्हणाले की, या प्रयत्नांना कायम पाठिंबा देत राहीन आणि मला वाटते की हा जागतिक शक्तीच्या वास्तवाचे व्यावहारिक प्रदर्शन आहे. तुम्ही भारताला वगळू शकत नाही. तुम्ही भारताला बाजूला करू शकत नाही. संयुक्त राष्ट्र सुरक्षा परिषदेत भारताचे प्रतिनिधित्व आंतरराष्ट्रीय राजकारणाच्या व्यावहारिक वास्तवाची ओळख असेल.
भारत- चीनमधील गुंतागुंतीच्या गतिमानतेमध्ये श्रीलंकेच्या भूमिकेबद्दल विचारले असता, प्रेमदासा यांनी जोर देऊन सांगितले की कोलंबो सर्व राष्ट्रांशी संबंध राखताना नवी दिल्लीशी असलेल्या विशेष धोरणात्मक संबंधांना महत्त्व देते. एक पक्ष म्हणून, मुख्य विरोधी पक्ष म्हणून आमचा भारतासोबत एक विशेष संबंध, एक विशेष धोरणात्मक संबंध असण्यावर विश्वास आहे आणि ते नाते खूप खास आहे, असे ते म्हणाले.
हेही वाचा..
“प्रथम मतदान, नंतर अल्पोपहार!” पंतप्रधान मोदींकडून मतदानाचा हक्क बजावण्याचे आवाहन
वाटाघाटी न झाल्यास तालिबानशी युद्धचं! काय म्हणाले पाक संरक्षण मंत्री?
वाळवंटात ‘अखंड प्रहार’ मोहिमेचं प्रदर्शन
राहुल गांधींनी दाखवलेल्या त्या ‘ब्राझिलियन मॉडेल’चे हे आहे सत्य
प्रेमदासा यांनी मंगळवारी परराष्ट्र मंत्री एस. जयशंकर यांची भेट घेतली, जिथे दोन्ही नेत्यांनी शेजारी प्रथम धोरणांतर्गत भारत- श्रीलंका संबंधांवर चर्चा केली. श्रीलंकेचे विरोधी पक्षनेते प्रेमदासा यांना भेटून आनंद झाला. भारत- श्रीलंका संबंध आणि शेजारी प्रथम या धोरणावर चर्चा झाली. भारत नेहमीच श्रीलंकेतील प्रगती आणि विकासाला पाठिंबा देईल, असे जयशंकर यांनी बैठकीनंतर म्हटले.
