अखिल भारतीय फुटबॉल महासंघाने पॅलेस्टाईनच्या एका खेळाडूने भारताच्या १७ वर्षांखालील पुरुष फुटबॉल संघाचा कर्णधार दलालमुआन गंगटे याच्याविरोधात कथित वर्णद्वेषी हावभाव केल्याप्रकरणी आशियाई फुटबॉल महासंघाकडे (AFC) अधिकृत तक्रार दाखल केली आहे. क्वालालंपूर येथे झालेल्या आशियाई फुटबॉल महासंघाच्या १७ वर्षांखालील मुलांच्या आशियाई कप पात्रता फेरीच्या सामन्यादरम्यान ही घटना घडल्याचा आरोप आहे.
भारताने मंगळवारी पॅलेस्टाईनचा ४-१ असा पराभव करत २०२७ आशियाई कप पात्रता स्पर्धेतील गट ईमध्ये आपली अपराजित घोडदौड कायम ठेवली. मुसळधार पावसात खेळल्या गेलेल्या या सामन्यात भारताने विजय मिळवला. मात्र, पॅलेस्टाईनचा मिडफिल्डर सौइदान आणि भारतीय कर्णधार गंगटे यांच्यात घडलेल्या कथित घटनेमुळे सामन्याच्या निकालापेक्षा हा वाद अधिक चर्चेत राहिला.
अखिल भारतीय फुटबॉल महासंघाने आपल्या निवेदनात म्हटले आहे, “१७ नोव्हेंबर रोजी क्वालालंपूर फुटबॉल स्टेडियमवर भारत आणि पॅलेस्टाईन यांच्यात झालेल्या आशियाई कप २०२७ पात्रता सामन्यादरम्यान पॅलेस्टाईनच्या एका खेळाडूने भारताच्या अंडर-१७ पुरुष संघाचा कर्णधार दलालमुआन गंगटे याच्याकडे कथित वर्णद्वेषी हावभाव केला. या प्रकरणी अखिल भारतीय फुटबॉल महासंघाने आशियाई फुटबॉल महासंघाकडे अधिकृत तक्रार दाखल केली आहे.”
हे ही वाचा:
ब्रह्मोसनंतर आता आकाश, पिनाकाच्या खरेदीत फिलिपाइन्सला स्वारस्य
सोनिया गांधींच्या मतदार नोंदणीवरून कायदेशीर लढाई तीव्र
ग्रीन एनर्जी क्षेत्रात अॅमेझॉनची भारतात मोठी गुंतवणूक
जेन्सेन हुआंगच्या एनव्हिडियात परतण्याच्या अपेक्षांवर पाणी
मिळालेल्या माहितीनुसार, ही घटना पहिल्या हाफच्या अतिरिक्त वेळेत घडली. पॅलेस्टाईनचा खेळाडू सौइदान याने गंगटेच्या जवळ जात हात स्वतःच्या नाकासमोर हलवला. त्या हावभावामुळे हा मुद्दा उपस्थित झाला आहे. अनेक प्रेक्षक आणि समालोचकांनी या हावभावाचा अर्थ दुर्गंधीशी संबंधित वर्णद्वेषी संकेत असा लावला.
या हावभावामुळे संतप्त झालेल्या गंगटेने मैदानावरच पॅलेस्टाईनच्या खेळाडूला जाब विचारला. परिस्थिती चिघळण्याची शक्यता लक्षात घेऊन सामन्याचे पंच को मिनकुक यांनी हस्तक्षेप केला. त्यांनी दोन्ही खेळाडूंना एकमेकांपासून दूर केले आणि दोघांनाही ताकीद दिली.
मैदानावरील कामगिरीचा विचार करता भारताने पॅलेस्टाईनवर ४-१ असा शानदार विजय मिळवत गट ईमधील आपली अपराजित मालिका कायम राखली. मेहराजुद्दीन वाडू यांच्या मार्गदर्शनाखाली खेळणाऱ्या भारतीय संघाकडून आठव्या मिनिटाला कामगुहाओ डोंगेल याने पहिला गोल केला. त्यानंतर ३२ व्या मिनिटाला पॅलेस्टाईनचा कर्णधार याझान खलिफा याने पेनल्टीवर गोल करत सामना १-१ असा बरोबरीत आणला. पहिल्या हाफअखेर दोन्ही संघांची बरोबरी होती. पावसामुळे सामन्यात व्यत्यय आला असला, तरी दुसऱ्या हाफमध्ये भारताने सामन्यावर पूर्ण नियंत्रण मिळवले.
