गुजरातमधील अहमदाबाद येथे झालेल्या विमान अपघातानंतर पंतप्रधान मोदी शुक्रवारी (१३ जून) अहमदाबाद विमानतळावर पोहोचले. पंतप्रधान मोदी विमानतळावरून थेट घटनास्थळी पोहोचले आणि परिस्थितीचा आढावा घेतला. यानंतर पंतप्रधान मोदी सिव्हिल हॉस्पिटलमध्ये पोहोचले आणि जखमींच्या प्रकृतीची विचारपूस केली. अपघाताबद्दल पंतप्रधान मोदी म्हणाले की ते शब्दात वर्णन करता येणार नाही.
एक्सवर ते म्हणाले, “आज अहमदाबादमधील अपघातस्थळाला भेट दिली. हे खूप दुःखद आहे. घटनेनंतर अथक परिश्रम करणाऱ्या अधिकाऱ्यांना आणि पथकांना भेटलो. या अकल्पनीय दुर्घटनेत ज्यांनी आपल्या प्रियजनांना गमावले आहे त्यांच्यासोबत आमच्या संवेदना आहेत.”
पंतप्रधान मोदींनी दुसऱ्या पोस्टमध्ये लिहिले की, “अहमदाबादमधील विमान अपघाताने सर्वांना धक्का बसला आहे. इतक्या लोकांच्या अचानक आणि हृदयद्रावक मृत्यूचे शब्दात वर्णन करता येणार नाही. सर्व शोकाकुल कुटुंबांना आमची संवेदना.”
हे ही वाचा :
टिकलं तर लाडकं नाहीतर कच्चं मडकं |
आधी धमकी दिली, मग साखरेसाठी वाडगा पुढे केला…
डोंबिवलीत शस्त्रसाठयासह दोघाना अटक, एटीएसची कारवाई
…म्हणून प्रवासी वाचू शकले नाहीत!
दरम्यान, पंतप्रधान मोदी सकाळी ८:३० वाजता अहमदाबाद विमानतळावर पोहोचले, तिथून ते अपघातस्थळी गेले आणि परिस्थितीचा आढावा घेतला. त्यांनी सुमारे २० मिनिटे घटनास्थळाची पाहणी केली आणि मदत कार्यात गुंतलेल्या अधिकाऱ्यांकडून आणि एनडीआरएफ पथकांकडून माहिती घेतली.
त्यानंतर, ते अहमदाबादमधील सिव्हिल हॉस्पिटलमध्ये गेले, जिथे त्यांनी जखमींची भेट घेतली, त्यांच्या प्रकृतीची विचारपूस केली आणि एकमेव जिवंत प्रवासी विश्वास कुमार रमेश यांच्याशीही बोलले. रुग्णालयात दाखल झालेल्या जखमींपैकी काही वसतिगृहाचे विद्यार्थी होते. पंतप्रधान मोदींसोबत गुजरातचे मुख्यमंत्री भूपेंद्र पटेल, केंद्रीय नागरी विमान वाहतूक मंत्री राम मोहन नायडू, राज्याचे गृहमंत्री हर्ष संघवी हे होते.
