घरविशेषलैंगिक गैरवर्तनप्रकरणी काँग्रेस आमदार राहुल ममकूटाथिलची हकालपट्टी

लैंगिक गैरवर्तनप्रकरणी काँग्रेस आमदार राहुल ममकूटाथिलची हकालपट्टी

महिलांच्या छळासंबंधी आरोपांनंतर कारवाई 

काँग्रेसने आपला चेहरा वाचवण्यासाठी पलक्कडचे आमदार राहुल ममकुटाथिल यांना प्राथमिक सदस्यत्वावरून निलंबित केले आहे. त्यांच्यावरील लैंगिक गैरवर्तनाच्या आरोपांमुळे हे निलंबन करण्यात आले आहे. आमदारपदाचा राजीनामा देण्याची मागणी होत असली तरी, पलक्कडमधील पोटनिवडणूक टाळण्यासाठी पक्ष नेतृत्वाने त्याविरुद्ध हा निर्णय घेतला आहे.

आमदार राहुल ममकुताथिल यांनी यापूर्वीच प्रदेश युवक काँग्रेस अध्यक्षपदाचा राजीनामा दिला होता. पक्षाच्या प्राथमिक सदस्यत्वावरून निलंबन झाल्यामुळे राहुल आता काँग्रेस संसदीय पक्षाचे सदस्य राहणार नाहीत. परिणामी सप्टेंबरमध्ये होणाऱ्या विधानसभा अधिवेशनात ते यूडीएफ सदस्यांसोबत बसू शकणार नाहीत.

पक्ष नेतृत्वाने राहुल ममकुताथिल यांना पुढील विधानसभा निवडणुकीतून दूर राहण्यास सांगितले आहे, असे वृत्त आहे. वरिष्ठ नेत्यांनी यापूर्वीच त्यांच्या आमदारपदाचा राजीनामा देण्याची मागणी केली होती. तथापि, पलक्कडमध्ये या टप्प्यावर पोटनिवडणूक झाल्यास पक्ष नेतृत्वाला पराभवाची भीती वाटत आहे.

हे ही वाचा : 

पंतप्रधान मोदी आजपासून गुजरात दौऱ्यावर

“जिथे आम्हाला सर्वात स्वस्त तेल मिळेल, आम्ही ते तिथूनच खरेदी करू”

दिल्लीच्या मुख्यमंत्र्यांवर चाकूने हल्ला करण्याची आरोपीची योजना, पण…

बाईक रॅली दरम्यान राहुल गांधींना तरुणाने दिले चुंबन; सुरक्षा रक्षकाने मारली चापट

राज्यातील विधानसभा पोटनिवडणूक पुढील वर्षी एप्रिल किंवा मे मध्ये अपेक्षित आहे आणि म्हणूनच पक्ष आता पराभवाला सामोरे जाण्यास तयार नव्हता. त्यामुळे ही परिस्थिती टाळण्यासाठी निर्णय घेण्यात आल्याची माहिती आहे.

त्यामुळे ते आता, कोणतीही पदे भूषवू शकत नाहीत. पक्षाच्या कार्यक्रमात सहभागी होऊ शकत नाहीत आणि पुढील निवडणुकीत काँग्रेसचे उमेदवार होऊ शकत नाहीत.

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

Exit mobile version