राशिद खानची अति घाई, करिअरला संकटात नेई!

अफगाणिस्तानचा स्टार लेग स्पिनर राशिद खानने स्वीकारलं आहे की, सर्जरीनंतर लगेचच क्रिकेटमध्ये परतल्यामुळे त्याच्या करिअरला गंभीर धोका निर्माण झाला आहे.

वनडे विश्वचषक २०२३ नंतर पाठीच्या सर्जरीनंतर त्याने योग्य विश्रांती न घेतल्याने त्याला पाठदुखीचा त्रास सुरू राहिला. IPL २०२५ नंतर सुमारे दोन महिने ब्रेक घेतला, पण आधीच झालेल्या दुखापतीवरही योग्य काळजी न घेतल्याचे त्याने मान्य केलं.

राशिदने सांगितलं की, “मी सर्जरीनंतर लगेच क्रिकेटमध्ये परतलो, ज्यामुळे माझ्या शरीराला ठीक होण्यासाठी पुरेसा वेळ मिळाला नाही. यामुळे आता मला काही अडचणींचा सामना करावा लागत आहे.”

तो म्हणाला, “टेस्ट आणि वनडे सारख्या लांबच्या फॉर्मॅटमध्ये लगेच परतण्याऐवजी मला अधिक काळ विश्रांती घ्यायला हवी होती. पण टीमच्या गरजेमुळे मी घाई केली आणि याचा परिणाम आता दिसतोय.”

या काळात राशिदने जिम्बाब्वेविरुद्ध कसोटी सामना खेळला आणि ‘प्लेयर ऑफ द मॅच’ ठरला, पण त्याचा शारीरिक परिणाम पुढील काळात दिसून आला.

त्याने IPL नंतर तीन आठवडे गोळा हातात घेतला नाही, तर फक्त कुटुंबासोबत वेळ घालवून पुनरागमनासाठी तयारी केली.

आत्तापर्यंत राशिदची पाठीची दुखापत आणि हैमस्ट्रिंगचा त्रास यामुळे त्याला BBL आणि PSL सारख्या मोठ्या टी-20 लीगमधून बाहेर राहावं लागलं आहे.

आकडेवारी:

• आयपीएल २०२५ नंतर २ महिन्यांचा ब्रेक

• जिम्बाब्वेविरुद्ध कसोटी: ५५ ओव्हर, ११ विकेट्स

• द हंड्रेडमध्ये ३ विकेट्स, ११ धावा दिल्या

राशिदच्या अति घाईमुळे त्याच्या पुढील क्रिकेट करिअरवर प्रश्नचिन्ह निर्माण झाला आहे.