नवभारत टाइम्सचे राजकीय संपादक अभिमन्यू शितोळे यांचे वयाच्या ५५ व्या वर्षी निधन झाले. ते बराच काळ आजारी होते. शुक्रवार, ७ मार्च २०२५ रोजी दुपारी ३ वाजता माहिमच्या पी.डी. हिंदुजा रुग्णालयात त्यांनी अखेरचा श्वास घेतला. त्यांच्या निधनाने पत्रकारिता क्षेत्रात शोककळा पसरली आहे.
अभिमन्यू शितोळे यांचा जन्म ११ सप्टेंबर १९७० रोजी मध्य प्रदेशातील ग्वालियर येथे झाला होता. त्यांनी आपल्या पत्रकारितेची कारकीर्दही तिथूनच सुरू केली होती. नंतर ते मुंबईला आले आणि दोपहर का सामना सोबत कार्यरत राहिले. त्यानंतर त्यांनी टीवी ९ मध्ये काम केले आणि शेवटी नवभारत टाइम्स मध्ये राजकीय संपादक म्हणून कार्यरत होते.
हे ही वाचा:
चौपट क्षमतेने राज्याचा विकास करायचा आहे!
मणिपूरमध्ये लोकांनी लुटलेली हजारो शस्त्रे पोलिसांना सुपूर्द!
डब्ल्यूपीएल २०२५ : अंपायरच्या निर्णयावर असहमती दर्शवल्याने हरमनप्रीतला दंड
पत्नीच्या छळाला कंटाळून पतीची हॉटेल सहाराच्या खोलीत घेतला गळफास
अभिमन्यू शितोळे यांची अंतिम यात्रा शनिवार, ८ मार्च रोजी सकाळी १० वाजता त्यांच्या निवासस्थान पिनाक सोसायटी, केळकर रोड, राम नगर, डोंबिवली (पूर्व) येथून निघणार आहे. त्यांच्या परिवारात पत्नी, एक मुलगी आणि एक मुलगा आहेत.
अभिमन्यू शितोळे यांच्या निधनाने पत्रकारिता क्षेत्रात शोककळा पसरली आहे. त्यांनी राजकीय रिपोर्टिंगमध्ये आपली एक वेगळी ओळख निर्माण केली होती. एक कुशल आणि प्रामाणिक पत्रकार गमावल्याची भावना पत्रकारिता क्षेत्रात व्यक्त केली जात आहे.
