भारतीय अंतराळ संशोधन संस्था अर्थात इस्रोने भारताच्या स्वदेशी उपग्रह नेव्हिगेशन प्रणाली NavICला अधिक बळकट करण्याच्या दिशेने महत्त्वपूर्ण पाऊल टाकले आहे. श्रीहरिकोटा येथून GSLV-F18 रॉकेटच्या माध्यमातून NVS-03 या पुढील पिढीतील नेव्हिगेशन उपग्रहाचे यशस्वी प्रक्षेपण करण्यात आले. इस्रोच्या अधिकृत नोंदीनुसार, हे मिशन ३० ऑक्टोबर २०२६ रोजी पार पडले.
या यशानंतर पंतप्रधान नरेंद्र मोदी यांनी इस्रोच्या शास्त्रज्ञ आणि अभियंत्यांचे अभिनंदन केले. भारताच्या अवकाश शास्त्रज्ञांचे समर्पण आणि कौशल्य देशाला सातत्याने अभिमान वाटण्यास भाग पाडत असल्याचे त्यांनी म्हटले. NVS-03 मिशनमुळे भारताची स्वदेशी उपग्रह नेव्हिगेशन प्रणाली अधिक मजबूत होईल, असा विश्वासही पंतप्रधानांनी व्यक्त केला.
पंतप्रधान मोदी यांनी आपल्या पोस्टमध्ये म्हटले आहे की, NVS-03 उपग्रह घेऊन जाणाऱ्या GSLV-F18 च्या यशस्वी प्रक्षेपणाबद्दल इस्रोमधील आमच्या शास्त्रज्ञांचे आणि अभियंत्यांचे अभिनंदन! ही मोहीम आपली स्वदेशी उपग्रह नेव्हिगेशन प्रणाली ‘नाविक’ (NavIC) अधिक बळकट करण्याच्या दिशेने एक महत्त्वाचे पाऊल आहे. प्रगत क्षमतांनी सज्ज असलेला NVS-03 उपग्रह, महत्त्वपूर्ण तंत्रज्ञानामध्ये स्वावलंबन मिळवण्याच्या आपल्या प्रयत्नांना अधिक बळ देईल आणि आपल्या नागरिकांसाठी उपयुक्त अशा नेव्हिगेशन सेवांना आधार देईल. आमच्या अंतराळ शास्त्रज्ञांची निष्ठा आणि कल्पकता आपल्या देशाला सतत गौरवान्वित करत आहे.
हे ही वाचा:
इस्रोची कमाल! GSLV-F18 रॉकेटद्वारे NVS-03 उपग्रह अवकाशात
लंगोटी सुटली तरी नाचतोय अब्दुल!
राऊत आता काँग्रेसचा तंबू उखडण्याच्या तयारीत |
विमल पान मसाला जाहिरात प्रकरणात अजय देवगणची हायकोर्टात धाव
NVS-03 हा NavICच्या दुसऱ्या पिढीतील मालिकेतील तिसरा उपग्रह आहे. सुमारे २,२५० किलो वजनाचा हा उपग्रह भारताच्या स्वतंत्र नेव्हिगेशन क्षमतेत महत्त्वाची भर घालणार आहे. या उपग्रहामध्ये स्वदेशी अणुघड्याळासह प्रगत तंत्रज्ञानाचा समावेश करण्यात आला असून, नेव्हिगेशन सेवांची अचूकता आणि क्षमता वाढण्यास मदत होणार आहे.
