दिल्ली बॉम्बस्फोटाचा तपास अधिक खोलवर जात असताना, राष्ट्रीय तपास संस्थेने (एनआयए) अल- फलाह विद्यापीठातील शाहीन सईदच्या खोलीतून रोख रक्कम जप्त केली आहे. खोली क्रमांक २२ मधून १८ लाख रुपये रोख जप्त करण्यात आले आहेत. १० नोव्हेंबर रोजी लाल किल्ल्याजवळ झालेल्या दिल्ली बॉम्बस्फोटातील आरोपींपैकी शाहीन ही एक आरोपी आहे.
अल- फलाह विद्यापीठात एकेकाळी खोली क्रमांक २२ ही केवळ एक खोली होती. त्यानंतर ती शाहीन हिला देण्यात आली होती, ती खोली क्रमांक २२ आता दिल्ली बॉम्बस्फोटाच्या तपासाचा एक भाग आहे. तपासादरम्यान एनआयएने सईदला कॅम्पसमधील विविध ठिकाणी नेले- ती जिथे राहत होती ती खोली, तिची केबिन आणि ती जिथे शिकवत होती त्या वर्गखोल्या. ही रोकड प्लास्टिकच्या पिशवीत गुंडाळून कपाटात ठेवल्याचे आढळले. सईदला एवढी मोठी रक्कम कुठून मिळाली याचा तपास आता तपास यंत्रणा करत आहेत. सईदलाही इतर आरोपी मुझम्मिल शकील आणि अदील अहमद राथेर यांच्यासह न्यायालयात हजर करण्यात आले.
हेही वाचा..
डॉक्टरांच्या प्रिस्क्रिप्शनशिवाय कफ सिरप मिळणार नाही!
इस्रायलच्या हल्ल्यात सीरियामधील १३ जणांचा मृत्यू; दहशतवादी मारले गेल्याचा दावा
गायीचे निकृष्ठ तूप विकणाऱ्या पतंजलीला दंड
तीन संशयित दहशतवाद्यांनी मागितले जेवण आणि …
दिल्ली बॉम्बस्फोट प्रकरणातील सह- आरोपी शाहीन सईद आणि मुझम्मिल शकील यांनी एक नवीन मारुती सुझुकी ब्रेझा खरेदी केली, जी स्फोटके वाहून नेण्यासाठी किंवा बॉम्ब पोहोचवण्यासाठी तयार केलेल्या बत्तीस गाड्यांपैकी एक होती, अशी शक्यता तपासकर्त्यांनी व्यक्त केली आहे. ही गाडी खरेदी करण्यासाठी रोख रक्कम देण्यात आली होती. हरियाणामध्ये HR 87 U 9988 म्हणून नोंदणीकृत ब्रेझा ही गाडी हरियाणाच्या फरीदाबाद येथील अल-फलाह स्कूल ऑफ मेडिकल सायन्सेस अँड रिसर्च सेंटरच्या कॅम्पसमध्ये पार्क केलेली आढळली होती.
