सोशल मीडियावर सध्या एका आंदोलनाचा व्हिडिओ वेगाने व्हायरल होत असून, त्यात एका पोलीस अधिकाऱ्याने महिला आंदोलकाशी अयोग्य वर्तन केल्याचा आरोप करण्यात आला आहे. खासदार वर्षा गायकवाड आणि आमदार रोहित पवार यांच्यासह अनेक बड्या नेत्यांनी या व्हिडिओचा हवाला देत मुंबई पोलिसांच्या कारवाईवर तीव्र संताप व्यक्त केला आहे आणि दोषी कर्मचाऱ्यावर कठोर कारवाईची मागणी केली आहे. या सर्व प्रकरणावर आता मुंबई पोलिसांनी अधिकृत स्पष्टीकरण दिले असून, सर्व आरोप फेटाळून लावले आहेत.
महोदय, सदर व्हिडिओमार्फत आमच्या कर्मचाऱ्याच्या वर्तनाचा अत्यंत बेजबाबदारपणे चुकीचा अर्थ लावला जात आहे. जेव्हा सदर अधिकारी एका पुरुष आंदोलकाला पकडून दुसऱ्या दिशेला पाहत होता, तेव्हा एक महिला आंदोलक नकळतपणे मध्ये आली.
एक प्रथितयश व्यक्ती म्हणून, तुम्ही एखाद्या व्हिडिओच्या आधारे… https://t.co/sC76sMbKEW
— मुंबई पोलीस Mumbai Police (@MumbaiPolice) July 24, 2026
व्हायरल होत असलेल्या फुटेजमध्ये एक पुरुष पोलीस अधिकारी एका तरुण महिलेला आक्रमकपणे हाताळताना आणि अयोग्य स्पर्श करताना दिसत असल्याचा दावा केला जात होता. यावरून सोशल मीडियावर पोलिसांच्या भूमिकेवर टीकेची झोड उठली होती. या संपूर्ण प्रकरणाची वरिष्ठ अधिकाऱ्यांनी कसून चौकशी केली असून, व्हिडिओचे सूक्ष्मपणे मूल्यांकन करण्यात आले आहे. मुंबई पोलिसांच्या पोलीस उपआयुक्तांनी (ऑपरेशन्स) जारी केलेल्या स्पष्टीकरणात म्हटले आहे की, व्हायरल होत असलेल्या व्हिडिओचा अतिशय बेजबाबदारपणे चुकीचा अर्थ लावला जात आहे.
हे ही वाचा:
पेपरफुटी करणाऱ्यांची आता खैर नाही!
भारताच्या परकीय चलनसाठ्यात सलग दुसऱ्या आठवड्यात वाढ
वयाच्या २२व्या वर्षीच खूप काही सोसलं!
चांदीच्या आयातीवर निर्बंधांचा परिणाम
संबंधित अधिकारी एका पुरुष आंदोलकाला रोखण्याचा प्रयत्न करत होते. त्यावेळी त्यांचे लक्ष दुसरीकडे असताना अचानक एक महिला त्यांच्यामध्ये आली. व्हिडिओमध्ये दिसलेला संपर्क पूर्णपणे अनवधानाने (चुकीच्या हेतूशिवाय) झाला असून, तो केवळ त्या पुरुष आंदोलकाला पकडण्याच्या प्रयत्नात घडला आहे.वरिष्ठ पातळीवर सर्व तथ्यांची सखोल पडताळणी करण्यात आली असून, फुटेजमधील संबंधित अधिकाऱ्याने जाणूनबुजून कोणतेही गैरवर्तन केलेले नाही, असे पोलिसांनी स्पष्ट केले आहे.
