पंतप्रधान नरेंद्र मोदी आणि चीनचे अध्यक्ष शी जिनपिंग यांनी दक्षिण आफ्रिकेत सुरू असलेल्या ब्रिक्स परिषदेत एकामेकांशी सीमाप्रश्नी संक्षिप्त चर्चा केली. पंतप्रधान मोदींनी भारत-चीन सीमावर्ती भागातील पश्चिम सेक्टरमधील वास्तव नियंत्रण रेषेवरील न सुटलेल्या समस्यांबद्दल शी जिनपिंग यांच्याशी संक्षिप्त चर्चा केल्याची माहिती परराष्ट्र सचिव विनय मोहन क्वात्रा यांनी दिली.
मे २०२०च्या गलवान चकमकीनंतर दोन्ही नेत्यांमधील असा हा दुसरा अनौपचारिक संवाद आहे. नोव्हेंबर २०२२मध्ये इंडोनेशियातील बाली येथे झालेल्या जी २० शिखर परिषदेदरम्यान, दोन्ही नेत्यांनी असाच संवाद साधला होता. तेव्हा पंतप्रधान मोदींनी चीनचे अध्यक्ष शी जिनपिंग यांनी द्विपक्षीय संबंध ‘स्थिर’ करण्याच्या आवश्यकतेवर प्रकाश टाकला. गलवान खोऱ्यात भारतीय आणि चिनी सैनिकांमध्ये झालेल्या हिंसक चकमकीनंतर दोन्ही नेत्यांमध्ये जवळपास चार वर्षांत द्विपक्षीय बैठक झालेली नाही.
चीनच्या परराष्ट्र मंत्रालयाच्या प्रवक्त्यानेही शी जिनपिंग आणि पंतप्रधान मोदी यांच्यात भारत-चीन संबंधांवर सखोल देवाणघेवाण झाल्याचे म्हटले आहे. भारताच्या आग्रहास्तव ही बैठक झाल्याचा दावाही चीनने केला आहे. चीन-भारत संबंध सुधारणे हे दोन्ही देशांचे आणि लोकांचे समान हित साधते आणि शांतता, स्थैर्यासाठी देखील अनुकूल आहे, यावर अध्यक्ष शी यांनी भर दिला.
हे ही वाचा:
अमेरिकेचे माजी राष्ट्राध्यक्ष डोनाल्ड ट्रम्प यांना अटक; २० मिनिटांसाठी होते तुरुंगात
इस्रोचे पुढील लक्ष्य ‘आदित्य -एल १’
उद्धव ठाकरे झाले आहेत गरीबांचे पवार
बर्याच विचारमंथनानंतर तसेच, मार्गदर्शक तत्त्वे आणि तत्त्वांमध्ये बदल केल्यानंतर, ब्रिक्स राष्ट्रांनी अर्जेंटिना, इजिप्त, इथिओपिया, इराण, सौदी अरेबिया आणि संयुक्त अरब अमिराती यांना गटाचे नवीन सदस्य म्हणून स्वीकारण्याचा निर्णय घेतला. ब्राझीलला सदस्य देण्याबाबत मतभिन्नता होती. रशिया, भारत, चीन आणि दक्षिण आफ्रिका या मूळ पाच सदस्यांनी ब्रिक्समध्ये नवीन सदस्यांना प्रवेश देण्यावर एकमत दर्शवले.
