हरियाणा पोलिसांचे वरिष्ठ आयपीएस अधिकारी आणि अतिरिक्त पोलीस महासंचालक (ADGP) वाय. पूरन कुमार यांनी मंगळवारी स्वतःवर गोळी झाडून आत्महत्या केली. त्यांनी चंदीगढमधील सेक्टर-११ येथील त्यांच्या सरकारी निवासस्थानी गोळी मारून आपले जीवन संपवले. घटनेच्या वेळी त्यांची पत्नी अमनीत पी. कुमार घरी नव्हत्या. त्या हरियाणा कॅडरच्या आयएएस अधिकारी असून सध्या मुख्यमंत्री नायब सिंग सैनी यांच्या सोबत जपान दौर्‍यावर आहेत. सध्या त्या परराष्ट्र सहकार्य विभागाच्या आयुक्त आणि सचिव या पदावर कार्यरत आहेत.
मिळालेल्या माहितीनुसार, मंगळवारी दुपारी सुमारे १.३० वाजता पोलिसांना कळवण्यात आले की सेक्टर-११ मधील सरकारी निवासस्थानी वाय. पूरन कुमार यांनी आत्महत्या केली आहे. पोलिसांनी तात्काळ घटनास्थळी धाव घेत घर सील केले आणि फॉरेन्सिक तज्ञांना तपासासाठी बोलावले. प्राथमिक तपासानुसार, त्यांनी स्वतःच्या परवानाधारक पिस्तुलाने स्वतःवर गोळी झाडली. पोलिसांनी मृतदेह ताब्यात घेऊन पोस्टमार्टमसाठी पाठवला आहे.
हेही वाचा..
केंद्र मंत्रिमंडळाने ४ मल्टी-ट्रॅकिंग रेल्वे प्रकल्पांना दिली मंजुरी
गाझामधील इस्रायली कारवाईविरुद्ध माकपाचे आंदोलन
एआय उत्पादने, सेवा तयार करण्याचे ग्लोबल हब बनण्याची क्षमता
मध्यप्रदेश सिरप प्रकरण : गुजरातमधील दोन औषध उत्पादक कंपन्या संशयाच्या भोवऱ्यात
चंदीगढच्या एसएसपी कंवरदीप कौर यांनी सांगितले की, सेक्टर-११ पोलिस ठाण्याला दुपारी आत्महत्येची माहिती मिळाली. पोलिस घटनास्थळी पोहोचले तेव्हा आयपीएस अधिकारी वाय. पूरन कुमार यांचा मृतदेह त्यांच्या घरात आढळला. सीएफएसएलची टीम घटनास्थळी तपास करत आहे. पोस्टमार्टमनंतर अधिक माहिती मिळेल. वाय. पूरन कुमार हे हरियाणा कॅडरचे वरिष्ठ आयपीएस अधिकारी होते आणि सध्या ते पोलिस प्रशिक्षण महाविद्यालयात (Police Training College) तैनात होते. त्यांच्या दीर्घ सेवाकाळात त्यांनी राज्य पोलिस दलातील अनेक महत्त्वाच्या पदांवर कार्यभार सांभाळला होता.
