भारतीय जनता पक्षाचे राष्ट्रीय प्रवक्ते नलिन कोहली यांनी मंगळवारी दिल्लीतील पक्ष मुख्यालयात घेतलेल्या पत्रकार परिषदेत नॅशनल हेराल्ड प्रकरणावरून काँग्रेसवर निशाणा साधला. ते म्हणाले की, “यंग इंडियन-नॅशनल हेराल्ड प्रकरणात काँग्रेसच्या उच्च नेतृत्वाची जी शांतता आहे, तीच एक मोठा मुद्दा आहे. दुसरीकडे काँग्रेसचे वरिष्ठ पदाधिकारी ज्या प्रकारे त्यांचे समर्थन करत आहेत, त्यावरून असं वाटतं की काँग्रेस पक्ष गोंधळून गेला आहे.
राहुल गांधी यांच्या निवडणूक आयोग आणि निवडणूक प्रक्रियेबाबत दिलेल्या अलीकडील विधानांचा उल्लेख करत कोहली म्हणाले की, “काँग्रेस पक्ष नॅशनल हेराल्ड प्रकरणातून पळ काढत आहे आणि देशातील संस्थांवर टीका करून जनतेचं लक्ष या प्रकरणातून हटवण्याचा प्रयत्न करत आहे. ते पुढे म्हणाले, “नेहरू-गांधी कुटुंब स्वतःच्या वैयक्तिक आणि राजकीय फायद्यासाठी देशातील संस्थांवर हल्ला करण्यास कचरत नाही. पण जर त्यांनी काहीही चुक केलं नसेल, तर मग नॅशनल हेराल्ड प्रकरणातून ते पळ का काढत आहेत?
हेही वाचा..
गोड, चरबीयुक्त अन्न मेंदूवर परिणाम करते
खर्गेंना बिहारमध्ये कोण ओळखतो ?
गिलचा चौकारांचा मारा, रायडूही झाला फिदा!
“लोकशाहीमध्ये संसदचं सर्वोच्च!”
पी. चिदंबरम यांनी एका पत्रकार परिषदेत दावा केला होता की नॅशनल हेराल्ड हा भारताच्या स्वातंत्र्यसंग्रामाचे प्रतीक आहे आणि त्यामुळे तो वाचवण्याची गरज आहे. यावर प्रतिक्रिया देताना कोहली म्हणाले, “जर तो इतकाच महत्त्वाचा होता, तर काँग्रेसने सत्तेतील ५५ वर्षांत त्यासाठी काही पावले का उचलली नाहीत? आणि जर त्यांना खरोखर भारताच्या लोकशाही मूल्यांची चिंता असेल, तर हे दुर्दैवच आहे की राहुल गांधी परदेशात जाऊन भारतीय लोकशाहीवर टीका करणे पसंत करतात.
शेवटी कोहली म्हणाले, “आमचा ठाम मत आहे की काँग्रेसने नॅशनल हेराल्डला दिलेल्या संशयास्पद जाहिराती, आगाऊ भाडे आणि अन्य आरोपांवर स्पष्ट उत्तर दिलं पाहिजे – भारतातील संस्था, विशेषतः निवडणूक आयोगावर हल्ला न करता.
