पंतप्रधान नरेंद्र मोदी हे गुजरात दौऱ्यावर आहेत. सोमवार, १२ जानेवारी रोजी सकाळी जर्मन चान्सलर फ्रेडरिक मर्झ हे देखील भारतात आले आहेत. यानंतर त्यांनी अहमदाबादमध्ये पंतप्रधान मोदींची भेट घेतली. त्यांनी साबरमती नदीकाठी आंतरराष्ट्रीय पतंग महोत्सव २०२६ चे उद्घाटन देखील केले. तसेच पंतप्रधान मोदी यांनी आणि जर्मन चान्सलर फ्रेडरिक मर्झ या दोन्ही नेत्यांनी पतंग उडवण्याचा आनंद घेतला.
सोमवारी गुजरातमधील साबरमती नदीकाठावर आंतरराष्ट्रीय पतंग महोत्सव २०२६ मध्ये पंतप्रधान नरेंद्र मोदी आणि जर्मन चांसलर फ्रेडरिक मर्झ यांनी एकत्र पतंग उडवले. हे दृश्य भारत- जर्मनी संबंधांच्या बळकटीकरणाचे प्रतीक असल्याचे म्हटले जात आहे. पंतप्रधान मोदींच्या निमंत्रणावरून फ्रेडरिक मर्झ भारताच्या अधिकृत दौऱ्यावर आहेत. दोन्ही देशांमधील द्विपक्षीय संबंध अधिक मजबूत करण्याच्या उद्देशाने हा त्यांचा पहिलाच अधिकृत भारत दौरा आहे. गुजरातचे राज्यपाल आचार्य देवव्रत यांनी अहमदाबाद विमानतळावर त्यांचे स्वागत केले.
दोन्ही नेत्यांनी प्रथम साबरमती आश्रमाला भेट दिली, जिथे त्यांनी महात्मा गांधींना श्रद्धांजली वाहिली. त्यानंतर त्यांनी आंतरराष्ट्रीय पतंग महोत्सवात भाग घेतला. पंतप्रधान मोदी आणि चान्सलर मर्झ यांचा पतंग उडवतानाचा एक व्हिडिओ सोशल मीडियावर व्हायरल होत आहे. कार्यक्रमादरम्यान, दोन्ही नेत्यांनी एकमेकांशी संवाद साधला आणि भारत-जर्मनी भागीदारीबाबत सकारात्मक संकेत दिले.
हेही वाचा..
इराणी राजवटीविरुद्धच्या निदर्शनांदरम्यान ट्रक घुसला; अनेक जण जखमी
जम्मू काश्मीरच्या सांबा, राजौरी, पूंछ जिल्ह्यांमध्ये संशयास्पद पाकिस्तानी ड्रोन
एलन मस्क करणार ‘एक्स’चा नवा अल्गोरिदम सार्वजनिक
एस. जयशंकर यांनी फ्रान्स व लक्झेंबर्ग दौऱ्यात कशावर भर दिला?
आंतरराष्ट्रीय पतंग महोत्सव हा गुजरातच्या सांस्कृतिक ओळखीचा एक भाग आहे आणि दरवर्षी मोठ्या संख्येने परदेशी पाहुण्यांना आकर्षित करतो. जर्मन चान्सलरच्या उपस्थितीने या वर्षीचा कार्यक्रम खास बनवला. फ्रेडरिक मर्झ यांच्या भेटीत भारत आणि जर्मनीमधील व्यापार, तांत्रिक सहकार्य आणि हरित ऊर्जा यासारख्या प्रमुख मुद्द्यांवर चर्चा होण्याची अपेक्षा आहे. दोन्ही देशांमध्ये दीर्घकाळापासून मजबूत आर्थिक आणि धोरणात्मक संबंध आहेत आणि ही भेट त्या संबंधांना नवीन उंची गाठण्याची शक्यता दर्शवते.
