भारताचे दोन दिग्गज फलंदाज विराट कोहली आणि रोहित शर्मा यांच्यात क्वचितच साम्य आहे. कोहली फिटनेस आणि आक्रमकतेचा ध्वजवाहक आहे; समोरच्या खेळाडूच्या डोळ्यात बघायला त्याला आवडते आणि त्यांची फलंदाजी पद्धतशीर दिसते. अनेकांनी सुचविल्याप्रमाणे वेगवान गोलंदाजांना सामोरे जाण्यासाठी अतिरिक्त वेळ मिळत नसल्याचा दावा रोहितने केला असला तरी, तो आळशीपणा दाखवतो. त्याची फलंदाजी कवितेसारखी वाटते. दोघांच्या शारिरीक स्वरुपातही खूप फरक आहे.
मात्र, दोघेही भारतासाठी आपापल्या पद्धतीने सामने जिंकतात. या दोघांनी मिळून आंतरराष्ट्रीय क्रिकेटमध्ये ४५ हजारांहून अधिक धावा केल्या आहेत. या टी २० विश्वचषकात त्यांनी भारताला विजय मिळवून देण्याचे आव्हान स्वीकारले आहे. या जोडीला अद्याप यश मिळू शकले नाही परंतु त्यांनी तसे संकेत दिले आहेत.
हे ही वाचा:
नॅशनल टेस्टिंग एजन्सी ही खासगी संस्था असल्याचे वृत्त खोटे!
मालदीवच्या राष्ट्राध्यक्षांशी जवळीक साधण्यासाठी महिला मंत्र्यांचा ‘जादूटोणा’ !
मद्य धोरण तातडीने मंजूर व्हावे, अशी केजरीवालांची इच्छा होती
ठाणे, मीरा-भाईंदरमधील अनधिकृत बार, पब्सवर बुलडोझर फिरवण्याचे निर्देश
गुरुवारी भारताचा सामना इंग्लंडविरुद्ध होणार आहे. तत्पूर्वी महान भारतीय क्रिकेटपटू कपिल देव यांनी रोहित आणि कोहलीच्या स्वभावाबद्दल सांगितले. ‘कोहली वजन उचलून जिम स्मॅश करतो, पण रोहित तसा नाही. त्याला माहीत आहे की तो वेगळा आहे आणि तोच त्याचा यूएसपी आहे. जर विराट कोहली १५० किलो आणि २५० किलो वजनाचे डंबेल उचलू शकत असेल, तर याचा अर्थ रोहितनेही असेच केले पाहिजे असे नाही. रोहितला त्याचा खेळ चांगलाच माहीत आहे. तो स्वतःसारखा खेळतो. तो विराट कोहलीसारखा नाही आणि त्याच्यासारख्या उड्या मारत नाही. रोहितला त्याच्या मर्यादांची जाणीव आहे आणि त्या बाबतीत त्याच्यापेक्षा चांगला कोणी नाही, अगदी विराटही नाही,’ असे उद्गार कपिल यांनी काढले.
जेव्हा चर्चा रोहितच्या फिटनेसभोवती आली, तेव्हा कपिल म्हणाले, ‘रोहितकडे एक फटका आहे आणि तो मोठा षटकार मारण्यासाठी पुरेसा आहे,’ असे ते म्हणाले. या मुलाखतीत पाकिस्तानचे माजी कर्णधार वसीम अक्रम हेदेखील सहभागी झाले होते. भारताचा माजी सलामीवीर आकाश चोप्राने त्यांची मुलाखत घेतली. चोप्रा यांनी कपिल यांना रोहितच्या नेतृत्व कौशल्याबाबत काही सांगण्यास सांगितले. ‘रोहित हा केवळ महान खेळाडू नाही तर खेळाडूंना कशाची गरज आहे, हे समजणारा एक चांगला नेताही आहे. अनेक मोठे खेळाडू येतात, पण ते स्वतःसाठी येतात, अगदी कर्णधारपदही स्वतःसाठी म्हणून खेळतात. परंतु रोहित सर्वांच्या एक पाऊल पुढे आहे. तो संपूर्ण संघाला आनंदी ठेवतो,’ असे कपिल म्हणाले.
