२६/११ मुंबई दहशतवादी हल्ल्याच्या आरोपी तहव्वुर राणाचे आवाजाचे आणि हस्तलिखिताचे नमुने घेण्यास पटियाला हाऊस कोर्टाने परवानगी दिली आहे. एनआयएने कोर्टात याचिका दाखल करून राणाचे नमुने घेण्यासाठी परवानगी मागितली होती, ज्यावर कोर्टाने मंजुरी दिली. तहव्वुर राणा सध्या एनआयएच्या कोठडीत आहे. गेल्या महिन्यात पटियाला हाऊस कोर्टाच्या विशेष न्यायालयाने एनआयएच्या विनंतीवरून राणाची कोठडी १२ दिवसांनी वाढवली होती. कोर्टाने सुनावणीनंतर निकाल राखून ठेवत हा आदेश दिला.
यापूर्वी राणाला १८ दिवसांच्या एनआयए कोठडीत ठेवण्यात आले होते. ही कोठडी संपल्यानंतर त्याला कडेकोट सुरक्षा व्यवस्थेत विशेष न्यायाधीश चंदर जीत सिंग यांच्या न्यायालयात हजर करण्यात आले. सुनावणीदरम्यान एनआयएने युक्तिवाद केला की १७ वर्षांपूर्वी घडलेल्या दहशतवादी हल्ल्याच्या कटाचा तपास करण्यासाठी आणि इतर कट रचणाऱ्यांपर्यंत पोहोचण्यासाठी राणाची कोठडी आवश्यक आहे. तसेच तपासासाठी त्याला विविध ठिकाणी घेऊन जाणे गरजेचे आहे, असेही सांगितले.
हेही वाचा..
केदारनाथ धाममध्ये कपाट उघडण्यापूर्वी तयारी वेगात
भारताच्या इशाऱ्याला न जुमानता पाकिस्तानकडून नियंत्रण रेषेवर गोळीबार सुरूच!
अयोध्येतील बाबरी मशिदीची पहिली वीट पाकिस्तानी सैनिक रचेल!
भारताने शाहीद आफ्रिदीची लायकी दाखवली, केली ‘ही’ मोठी कारवाई!
विशेष म्हणजे, अमेरिकेच्या सर्वोच्च न्यायालयाने अलीकडेच तहव्वुर राणाची ती याचिका फेटाळून लावली होती, ज्यात त्याने स्वतःला भारतात प्रत्यार्पित करण्याच्या निर्णयाविरोधात अपील केली होती. ४ एप्रिल २०२५ रोजी पुनर्विचार याचिका फेटाळल्यानंतर राणाला भारतात आणण्यात आले.
तहव्वुर राणाला १० एप्रिल रोजी भारतात आणल्यानंतर एनआयएने त्याला अटक करून पटियाला हाऊस कोर्टाच्या विशेष न्यायालयात हजर केले होते. त्यानंतर कोर्टाने त्याला १८ दिवसांची कोठडी सुनावली होती. कोठडी संपल्यानंतर त्याला पुन्हा कोर्टात हजर करण्यात आले.
