घरबिजनेसभारताच्या आर्थिक विकासाचा वेग मंदावण्याची शक्यता

भारताच्या आर्थिक विकासाचा वेग मंदावण्याची शक्यता

दुसऱ्या तिमाहीत जीडीपी वाढ ७.५ टक्क्यांवर

भारताची अर्थव्यवस्था वेगाने प्रगती करत असली, तरी आर्थिक वर्ष २०२६-२७ च्या दुसऱ्या तिमाहीत विकासदराचा वेग काहीसा मंदावण्याची शक्यता आहे. आयसीआरए या पतमानांकन संस्थेने जुलै ते सप्टेंबर या कालावधीत भारताचा सकल देशांतर्गत उत्पादन अर्थात जीडीपी विकासदर ७.५ टक्क्यांपर्यंत खाली येण्याचा अंदाज व्यक्त केला आहे. चालू आर्थिक वर्षाच्या पहिल्या तिमाहीत भारताचा विकासदर ७.८ टक्के होता. त्यामुळे दुसऱ्या तिमाहीत अर्थव्यवस्थेच्या वाढीचा वेग कमी होण्याची चिन्हे दिसत आहेत.

या संभाव्य घसरणीमागे अपुरा मान्सून, कृषी उत्पादनातील मंदी आणि जागतिक अर्थव्यवस्थेतील अनिश्चितता ही प्रमुख कारणे मानली जात आहेत. विशेषतः कृषी क्षेत्राला याचा मोठा फटका बसण्याची शक्यता आहे. पहिल्या तिमाहीत ३.६ टक्के असलेला कृषी क्षेत्राचा विकासदर दुसऱ्या तिमाहीत घसरून अवघ्या ०.२ टक्क्यांवर येण्याचा अंदाज आहे. औद्योगिक क्षेत्राचाही विकासदर ७.७ टक्क्यांवरून ७.२ टक्क्यांपर्यंत खाली येऊ शकतो. तर सेवा क्षेत्राचा विकासदर १० टक्क्यांवरून ९.१ टक्क्यांपर्यंत घसरण्याची शक्यता व्यक्त करण्यात आली आहे.

हे ही वाचा:
डॉलरच्या तुलनेत रुपयाची दमदार उसळी

भारतीय स्टील निर्यातीला युरोपियन युनियनच्या अँटिडम्पिंग शुल्काचा फटका

चीनच्या एआय कंपनी झिपूच्या शेअरमध्ये ८५ टक्क्यांची घसरण

मायक्रोसॉफ्टनंतर अमेरिकेतील बँका आणि विमानसेवा विस्कळीत

दरम्यान, जीडीपी वाढीबाबत वेगवेगळ्या संस्थांनी स्वतंत्र अंदाज व्यक्त केले आहेत. रिझर्व्ह बँकेने दुसऱ्या तिमाहीसाठी ७.२ टक्के, तर केंद्रीय अर्थ मंत्रालयाने ७.३५ टक्के विकासदराचा अंदाज वर्तवला आहे. इक्राच्या मते, संपूर्ण आर्थिक वर्ष २०२६-२७ मध्ये भारताचा जीडीपी विकासदर ७.१ टक्के राहू शकतो. येत्या ३० नोव्हेंबरला सरकारकडून दुसऱ्या तिमाहीची अधिकृत आकडेवारी जाहीर होणार आहे. त्यामुळे भारतीय अर्थव्यवस्थेच्या प्रत्यक्ष कामगिरीचे चित्र स्पष्ट होईल. कृषी उत्पादन, औद्योगिक मागणी आणि जागतिक आर्थिक परिस्थिती यावर आगामी काळातील विकासदर अवलंबून राहणार आहे.

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

Exit mobile version