महाराष्ट्रातील जळगाव जिल्ह्यातील रावेर येथे मुस्लिम मोहल्ल्यात घरगुती गणेशमूर्तीच्या विसर्जन मिरवणुकीदरम्यान दगडफेक झाल्याची घटना घडली. या घटनेत २ ते ३ जण जखमी झाल्याची माहिती अधिकाऱ्यांनी दिली आहे. या प्रकरणी पोलिसांनी गुन्हा दाखल केला आहे.
अधिकाऱ्यांच्या माहितीनुसार, रविवारी रात्री उशिरा रावेर शहरात ही घटना घडली. एका कुटुंबाकडून घरगुती गणेशमूर्ती विसर्जनासाठी नेली जात असताना रस्ता अडवल्याच्या मुद्द्यावरून दोन गटांमध्ये वाद झाला. हा वाद वाढत जाऊन दोन्ही गटांकडून एकमेकांवर दगडफेक करण्यात आल्याचे सांगण्यात येत आहे. प्राथमिक माहितीनुसार, रस्ता अडवल्याच्या कारणावरून वादाला सुरुवात झाली. त्यानंतर परिस्थिती चिघळली आणि मुस्लिम मोहल्ल्यात मिरवणुकीवर दगडफेक सुरू झाली. त्यानंतर दुसऱ्या बाजूनेही दगडफेक करण्यात आली.
हे ही वाचा:
महानदीतल्या खोल विहीरीत सापडला नैसर्गिक वायू
यूपीआयच्या ९६% पेमेंट्सवर कोणतेही अतिरिक्त शुल्क नाही
जपानने चांगली जिरवली; पण भारताने मॅच फिरवली!
साहिलला परीक्षागृहातून बाहेर नेल्याचा घटनाक्रम सीसीटीव्हीत कैद
रावेर शहरातील भारतरत्न डॉ. बाबासाहेब आंबेडकर नगर आणि रझा कॉलनी परिसरात ही घटना घडली. घटनेची माहिती मिळताच पोलिसांना सतर्क करण्यात आले. पोलिसांनी तातडीने घटनास्थळी धाव घेत परिस्थिती नियंत्रणात आणली. या दगडफेकीच्या घटनेत २ ते ३ जण जखमी झाल्याचे अधिकाऱ्यांनी सांगितले.
पोलिसांनी या प्रकरणी कारवाई सुरू केली असून, दोन गटांमध्ये झालेल्या वादामागील नेमकी कारणे आणि त्यानंतर झालेल्या दगडफेकीची परिस्थिती यांचा तपास सुरू आहे. घटनेनंतर संबंधित परिसरात सध्या तणावपूर्ण शांतता आहे. कोणताही अनुचित प्रकार घडू नये आणि कायदा-सुव्यवस्था कायम राहावी यासाठी परिसरात अतिरिक्त पोलिस बंदोबस्त तैनात करण्यात आला आहे.
रात्री ११ वाजल्यानंतर रावेर पोलिसांनी या घटनेप्रकरणी गुन्हा दाखल केला. या गुन्ह्यात दंगल, दगडफेक तसेच अनुसूचित जाती आणि अनुसूचित जमाती अत्याचार प्रतिबंधक कायद्यांतर्गत कथित उल्लंघनाशी संबंधित कलमांचा समावेश करण्यात आला आहे. गणेश विसर्जन मिरवणुकीनंतर झालेल्या या संघर्षामध्ये नेमके कोण सहभागी होते, तसेच वादाची सुरुवात कशी झाली आणि त्यानंतर घटनाक्रम कसा घडला, याचा पोलीस तपास सुरू आहे.
