इस्रायलने हमासला लक्ष्य करत केलेल्या हवाई हल्ल्यात संघटनेचा वरिष्ठ कमांडर ठार झाला आहे. हमासच्या सशस्त्र शाखेने रविवारी या वृत्ताला दुजोरा दिला. ७ ऑक्टोबर २०२३ रोजी इस्रायलवर करण्यात आलेल्या हल्ल्याचे नियोजन आणि देखरेख करण्यात सहभागी असलेला हमासचा वरिष्ठ कमांडर इस्रायलच्या हवाई हल्ल्यात ठार झाल्याचे हमासने रविवारी जाहीर केले.
हमासच्या अल-कसम ब्रिगेडने या कमांडरची ओळख ५३ वर्षीय समीर अबू युनिस अशी पटवली आहे. तो राफा ब्रिगेडचा कमांडर होता. शनिवारी झालेल्या हवाई हल्ल्यात त्याचा मृत्यू झाल्याचे संघटनेने सांगितले.
हे ही वाचा:
राष्ट्रीय महामार्गांवरील टोल वसुलीने गाठला नवा उच्चांक!
उत्तराखंडमध्ये काँग्रेस आमदाराने माईक फेकला, खुर्चीने केली मारहाण
ललित मोदी आता अधिकृतपणे ब्रिटिश नागरिक
होर्मुझच्या सामुद्रधुनीत भीषण स्फोटामुळे तीन तेलवाहू जहाजांना आग
हमासच्या माहितीनुसार, अबू युनिस १९९१ मध्ये संघटनेच्या सशस्त्र शाखेत सहभागी झाला होता. राफा ब्रिगेडचा कमांडर बनण्यापूर्वी त्याने राफा परिसरात अनेक महत्त्वाच्या कार्यकारी पदांवर काम केले होते. दक्षिण गाझा पट्टीतील खान युनिस परिसरातील मवासी भागातील एका रस्त्यावर इस्रायलने हवाई हल्ला केला. या हल्ल्यात अबू युनिस ठार झाला, तर काही अन्य जण जखमी झाले.
