घरदेश दुनिया‘मोदी-मोदी’, ‘भारत माता की जय’च्या घोषणांनी पंतप्रधान मोदींचे स्वागत

‘मोदी-मोदी’, ‘भारत माता की जय’च्या घोषणांनी पंतप्रधान मोदींचे स्वागत

फिलिपिन्समधील भारतीय समुदायाचा उत्साह

पंतप्रधान नरेंद्र मोदी सोमवारी (१६ नोव्हेंबर) फिलिपिन्सच्या दौऱ्यासाठी मनिला येथे दाखल झाले. मनिला आंतरराष्ट्रीय विमानतळावर त्यांचे भव्य स्वागत करण्यात आले. पंतप्रधान मोदी विमानतळावर पोहोचताच उपस्थित भारतीय समुदायातील नागरिकांनी ‘मोदी-मोदी’ आणि ‘भारत माता की जय’च्या घोषणा दिल्या. मुलांनी संस्कृत श्लोक म्हणून त्यांचे स्वागत केले, तर कलाकारांनी पारंपरिक नृत्य सादर केले. पंतप्रधान मोदी यांनीही नागरिकांशी हस्तांदोलन करून आणि अभिवादन स्वीकारून उपस्थितांशी संवाद साधला.

फिलिपाइन्सच्या माहिती आणि दळणवळण तंत्रज्ञान विभागाचे सचिव रॉबर्ट जोसेफ ‘जय’ मॉन्टेस डी क्लारो यांनी विमानतळावर पंतप्रधानांचे स्वागत केले. परराष्ट्र मंत्रालयाचे प्रवक्ते रणधीर जायसवाल यांनी सोशल मीडिया मंच ‘एक्स’वरून मोदी यांच्या मनिला आगमनाची माहिती दिली. हा दौरा भारताच्या ‘ऍक्ट ईस्ट’ धोरणाला आणि इंडो-पॅसिफिक दृष्टिकोनाला आसियानसोबतच्या भागीदारीच्या माध्यमातून अधिक बळकटी देणारा ठरेल, असे त्यांनी नमूद केले.

हे ही वाचा:

श्रीगंगानगर स्फोटप्रकरणी आणखी दोन बॉम्ब जप्त

कोरोना काळात मुख्यमंत्री उद्धव ठाकरेंशी संपर्क नव्हता, तेव्हा अजितदादांचा फोन यायचा

घरबसल्या नोकरीच्या आमिषाने तरुणीला ९०.८ लाखांचा गंडा

आसियान, पूर्व आशिया शिखर परिषदेसाठी पंतप्रधान मोदी मनिलात दाखल

पंतप्रधान मोदी फिलिपाइन्सच्या दोन दिवसांच्या दौऱ्यात २३व्या आसियान-भारत शिखर परिषदेत आणि २१व्या पूर्व आशिया शिखर परिषदेत सहभागी होणार आहेत. या दोन्ही परिषदा १७ नोव्हेंबर रोजी होणार आहेत. तसेच, ते फिलिपाइन्सचे राष्ट्राध्यक्ष फर्डिनांड मार्कोस ज्युनियर यांच्याशी द्विपक्षीय चर्चा करणार आहेत. भारत आणि आसियान देश २०२६ हे वर्ष सागरी सहकार्याचे वर्ष म्हणून साजरे करत आहेत. या पार्श्वभूमीवर व्यापार, संपर्क व्यवस्था, सागरी सुरक्षा आणि प्रादेशिक सहकार्य या मुद्द्यांवर चर्चा होण्याची अपेक्षा आहे. या दौऱ्यामुळे भारत-आसियान संबंधांना नवी दिशा आणि गती मिळेल, असा विश्वास पंतप्रधानांनी व्यक्त केला आहे.

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

Exit mobile version