मुंबईतील छत्रपती शिवाजी महाराज आंतरराष्ट्रीय विमानतळाच्या टर्मिनल-२ जवळील व्हीआयपी आगमन आणि टॅक्सी थांबा परिसरातील एका मशिदीच्या बांधकामावरून आता वाद निर्माण झाला आहे. या बांधकामासंदर्भात महाराष्ट्र महानगर प्रदेश विकास प्राधिकरणाने म्हणजेच एमएमआरडीएने महत्त्वाचे पत्र जारी केले आहे. संबंधित संरचनेसाठी एमएमआरडीएकडून कोणतीही परवानगी देण्यात आलेली नसल्याचे या पत्रातून स्पष्ट करण्यात आले आहे. भाजपा नेते किरीट सोमय्या यांनी यासंबंधीचे पत्र शेअर करत माहिती दिली असून कारवाईची मागणी केली होती.
एमएमआरडीएने ८ सप्टेंबर २०२६ रोजी मुंबई आंतरराष्ट्रीय विमानतळ लिमिटेडचे मुख्य कार्यकारी अधिकारी विष्णू झा यांना हे पत्र पाठवले आहे. विमानतळाच्या अधिसूचित क्षेत्रातील टर्मिनल-२ च्या व्हीआयपी आगमन आणि टॅक्सी थांब्याजवळ असलेल्या या संरचनेबाबत तक्रार प्राप्त झाल्याचा उल्लेख पत्रात करण्यात आला आहे. एमएमआरडीएच्या पत्रानुसार, संबंधित संरचनेला किंवा मशिदीला प्राधिकरणाकडून कोणतीही परवानगी देण्यात आलेली नाही. तसेच, या अधिसूचित क्षेत्रासाठी असलेल्या एकात्मिक विकास आराखड्यात सार्वजनिक प्रार्थनास्थळासाठी कोणतीही तरतूद, आरक्षण, जागेचे वाटप किंवा विशिष्ट जागेचे निर्धारण करण्यात आलेले नसल्याचेही पत्रात नमूद करण्यात आले आहे.
Mumbai Airport "Land JIHAD"
MMRDA (Maharashtra Govt) says it's illegal Masjid. NO permission given
MMRDA asked MIAL Mumbai International Airport Ltd to demolish the ilegal Structure/Masjid immediately.
I requested MIAL & MMRDA to register FIR against the Trustees, Persons… pic.twitter.com/OnZKYe8p53
— Kirit Somaiya (@KiritSomaiya) September 10, 2026
एमएमआरडीएने पत्रात म्हटले आहे की, अधिसूचित क्षेत्रातील विमानतळाच्या नियोजन, विकास, बांधकाम आणि देखभालीची जबाबदारी मुंबई आंतरराष्ट्रीय विमानतळ लिमिटेडकडे आहे. त्यासोबतच पायाभूत सुविधा, विमानतळाशी संबंधित सुविधा आणि इतर आवश्यक सुविधांच्या विकासाची जबाबदारीही एमआयएएलकडे असल्याचे पत्रात नमूद करण्यात आले आहे. याच पार्श्वभूमीवर एमएमआरडीएने सदर संरचना किंवा मशिद हटवण्याबाबत नियमानुसार आवश्यक पुढील कारवाई करण्याचे निर्देश एमआयएएलला दिले आहेत. तसेच, करण्यात आलेल्या कारवाईचा अनुपालन अहवाल लवकर सादर करण्यासही सांगण्यात आले आहे.
हे ही वाचा:
प्रा.शोभिता जैन; हेवा वाटावे असे लखलखीत आयुष्य…
अमेरिका-इराण संघर्षात पाकिस्तानची होतेय ‘तारेवरची कसरत’
पर्युषण पर्वातील मांसविक्री बंदीवरून वाद
मुंबईच्या आंतरराष्ट्रीय विमानतळासारख्या महत्त्वाच्या आणि संवेदनशील परिसरात मशीद नेमकी कधी उभारण्यात आली, ती कोणी उभारली आणि त्यासाठी इतर कोणत्याही यंत्रणेची परवानगी घेण्यात आली होती का, याबाबतही प्रश्न उपस्थित झाले आहेत. दरम्यान, या प्रकरणावरून किरीट सोमय्या यांनी ‘मुंबई विमानतळावरील लँड जिहाद’ असा दावा करत या मुद्द्याला वाचा फोडली होती. तसेच या अनधिकृत मशिदीवर कारवाई केली जावी यासाठी कारवाईची मागणी केली होती.
