रशियन सरकारने पंतप्रधान नरेंद्र मोदी यांना ९ मे रोजी मॉस्कोमध्ये होणाऱ्या 80व्या विजय दिवस सोहळ्यात सहभागी होण्यासाठी औपचारिक आमंत्रण दिले आहे. हा सोहळा द्वितीय महायुद्धात नाझी जर्मनीवर सोव्हिएत संघाच्या विजयाचे प्रतीक आहे. रशियाचे उप-परराष्ट्र मंत्री आंद्री रुडेंको यांनी पुष्टी केली आहे की भारत सरकारला अधिकृत आमंत्रण पाठवण्यात आले आहे आणि उच्चस्तरीय भेटीच्या तयारी सुरू आहेत.
रशियन सरकारी वृत्तसंस्था ‘तास’ने दिलेल्या माहितीनुसार, रुडेंको यांनी मंगळवारी सांगितले, “यावर काम सुरू आहे, ही भेट याच वर्षी होईल. त्यांनी (मोदींनी) आमंत्रण स्वीकारले आहे. उप-परराष्ट्र मंत्र्यांनी हेही सांगितले की मॉस्कोमधील प्रतिष्ठित रेड स्क्वेअरवर होणाऱ्या वार्षिक लष्करी परेडमध्ये सहभागी होण्यासाठी रशियाने आपले मित्रदेशांच्या नेत्यांना अशाच प्रकारचे आमंत्रण दिले आहे.
तथापि, भारत सरकारच्या सूत्रांनी ‘तास’ला सांगितले की, संरक्षण मंत्री राजनाथ सिंह हे ९ मे रोजी विजय दिवस परेडमध्ये भारताचे प्रतिनिधित्व करतील. त्यामुळे पंतप्रधान मोदी स्वतः उपस्थित राहतील, ही शक्यता कमी आहे. गेल्या महिन्यात मॉस्कोने याची पुष्टी केली होती की रशियाचे अध्यक्ष व्लादिमीर पुतिन हे यावर्षी अखेरीस भारताचा दौरा करणार आहेत. फेब्रुवारी २०२२ मध्ये रशियाने युक्रेनवर पूर्णपणे आक्रमण केल्यानंतर ही त्यांची भारतातील पहिली भेट असेल.
हेही वाचा..
‘वक्फ बोर्डा’चे समर्थन करणाऱ्या पक्षाला गावबंदी!
रामलल्लांचे सूर्य तिलक हे पंतप्रधान मोदींच्या संकल्पनेचे फळ
भारताला फ्रान्सकडून २६ राफेल मरीन जेट्स मिळणार!
हिंदूंवरील आक्षेपार्ह विधानानंतर भाजपा- आप आमदारांमध्ये हाणामारी
पण या दौऱ्याची अचूक तारीख अजून ठरलेली नाही. तरीही, पंतप्रधान मोदी आणि अध्यक्ष पुतिन यांच्यात नियमित द्विपक्षीय बैठकांद्वारे आणि टेलिफोन संवादाद्वारे सतत कूटनीतिक संपर्क सुरू आहेत. पंतप्रधान मोदी यांनी शेवटचा दौरा जुलै २०२४ मध्ये रशियाला केला होता, जो सुमारे पाच वर्षांतील त्यांचा पहिला दौरा होता. त्याआधी त्यांनी २०१९ मध्ये व्लादिवोस्तोक येथे एका आर्थिक परिषदेत सहभागी होण्यासाठी भेट दिली होती.
२०२४ च्या दौऱ्यात, पंतप्रधान मोदी यांनी अध्यक्ष पुतिन यांच्यासोबत विस्तृत चर्चा केली होती आणि त्यांना भारत भेटीचे निमंत्रण दिले होते – जे क्रेमलिनने स्वीकारले आहे. विजय दिवस परेड दरवर्षी ९ मे रोजी आयोजित केली जाते आणि ही रशियातील सर्वात महत्त्वाच्या राजकीय समारंभांपैकी एक मानली जाते. ही परेड द्वितीय महायुद्धात नाझी जर्मनीवर सोव्हिएत सेनेने मिळवलेल्या विजयाच्या स्मरणार्थ आयोजित केली जाते. यंदाचा सोहळा विशेष महत्त्वाचा आहे कारण यावर्षी युरोपमधील युद्ध संपल्याची ८० वी वर्षगांठ आहे.
