महाराष्ट्रातील जळगाव जिल्ह्यात राष्ट्रीय स्वयंसेवक संघाच्या (आरएसएस) पथसंचलनादरम्यान दगडफेक झाल्याची घटना समोर आली आहे. या घटनेमुळे परिसरात तणावाचे वातावरण निर्माण झाले आहे. जळगावमधील किंगाव परिसरात ही घटना घडल्याची माहिती आहे. दसऱ्याच्या निमित्ताने राष्ट्रीय स्वयंसेवक संघाकडून पथसंचलन आयोजित करण्यात आले होते. हे पथसंचलन एका मशिदीजवळून जात असताना दगडफेक झाल्याचे सांगण्यात येत आहे. या घटनेनंतर परिसरात गोंधळ निर्माण झाला.
पथसंचलनादरम्यान झालेल्या दगडफेकीनंतर परिस्थिती चिघळल्याचे वृत्त आहे. घटनेची माहिती मिळताच पोलिसांनी तातडीने घटनास्थळी धाव घेत परिस्थिती नियंत्रणात आणण्याचा प्रयत्न केला. यावेळी परिसरात जमलेली गर्दी पांगवण्यासाठी पोलिसांकडून सौम्य लाठीचार्ज करण्यात आला. अचानक निर्माण झालेल्या या परिस्थितीमुळे स्थानिक नागरिकांमध्ये चिंतेचे वातावरण पसरले.
हे ही वाचा:
टेरर फंडिंगप्रकरणी काश्मीरमध्ये चार महिलांसह सहा जणांना अटक
दहिसरमध्ये १३ वर्षीय मुलीचे लैंगिक शोषण; पोक्सोअंतर्गत तरुणाला अटक
देशातील खासगी गुंतवणुकीचा वेग वाढला
बंगालच्या उपसागरात भारत-सिंगापूरचा संयुक्त ‘सिम्बेक्स’ युद्धाभ्यास
घटनेचे गांभीर्य लक्षात घेऊन पोलिसांनी परिसरात बंदोबस्त वाढवला आहे. कोणताही अनुचित प्रकार घडू नये, तसेच परिस्थिती आणखी बिघडू नये, यासाठी पोलिसांकडून खबरदारी घेतली जात आहे. संवेदनशील ठिकाणी पोलीस कर्मचारी तैनात करण्यात आले असून, परिसरातील हालचालींवर लक्ष ठेवले जात आहे.
