केंद्र सरकारने बुधवारी दिलेल्या माहितीनुसार, भारताला ६जी तंत्रज्ञानातील नेतृत्वासाठी सिद्ध करण्याच्या उद्देशाने देशभरात १०० ५ जी लॅब्स उभारण्यात आल्या आहेत. संचार मंत्रालयानुसार, दूरसंचार विभागाने एमर्जिंग सायन्स, टेक्नॉलॉजी अँड इनोव्हेशन कॉन्क्लेव्ह २०२५ मध्ये भाग घेतला आणि ‘डिजिटल कम्युनिकेशन’ या विषयावर आयोजित सत्राचे नेतृत्व केले. या सत्राचे अध्यक्षस्थान दूरसंचार सचिव आणि डिजिटल कम्युनिकेशन आयोगाचे अध्यक्ष डॉ. नीरज मित्तल यांनी भूषवले.
आपल्या भाषणात डॉ. मित्तल म्हणाले की, दूरसंचार हा अर्थव्यवस्थेचा आणि सर्व विकसित होणाऱ्या तंत्रज्ञानांचा एक सक्षम आधारस्तंभ बनला आहे. त्यांनी नमूद केले की, “कनेक्टिव्हिटी ही सर्व उत्पादक उपक्रमांची पायाभूत गरज आहे आणि भारतातील दूरसंचार क्रांतीचा थेट परिणाम देशाच्या आर्थिक विकासावर दिसून येतो.” डॉ. मित्तल म्हणाले, “पंतप्रधान नरेंद्र मोदी यांच्या दूरदृष्टीमुळे भारताने जगात सर्वाधिक वेगाने ५ जी रोलआऊट पूर्ण केला आहे. देशभरात १०० ५ जी लॅब्स तयार करण्यात आल्या आहेत, ज्यामधून विविध उपयोग केस विकसित होतील आणि भारत ६ जी तंत्रज्ञानातील जागतिक नेतृत्वासाठी सिद्ध होईल.”
हेही वाचा..
बिहारच्या उपमुख्यमंत्र्यांच्या ताफ्यावर हल्ला; घोषणाबाजी करत केली गर्दी
हायड्रोजन बॉम्ब कसला राहुल गांधींचा लवंगी तोटा
बांगलादेशातील चटगावमध्ये पुन्हा हिंसाचार
पार्थ पवारांचे जमीन खरेदी प्रकरण : काय म्हणाले मुख्यमंत्री ?
कनेक्टिव्हिटीची परिवर्तनकारी शक्ती आणि एआयच्या वेगवान प्रगतीबद्दल बोलताना त्यांनी सांगितले, “हे क्षेत्र सर्वांसाठी अशक्य वाटणाऱ्या गोष्टी शक्य करण्याची नवीन संधी निर्माण करत आहे.” त्यांनी पंतप्रधान मोदींच्या दृष्टिकोनातून प्रेरित ‘भारत ६ जी अलायन्स’ या अग्रणी उपक्रमाचा उल्लेख केला. त्यांनी सांगितले की, भारत ६ जी अलायन्सने आधीच जागतिक ६ जी संस्थांबरोबर १० आंतरराष्ट्रीय करार केले आहेत आणि २०३० पर्यंत जागतिक ६ जी पेटंट्समध्ये भारताचा १० टक्के वाटा असावा हे त्याचे उद्दिष्ट आहे.
डॉ. मित्तल म्हणाले की, पुढील पिढीच्या कम्युनिकेशनसाठी सरकारचा दृष्टिकोन बहुआयामी आहे. संशोधन आणि विकासाला चालना देणे, देशांतर्गत उत्पादनाला प्रोत्साहन देणे आणि शिक्षण क्षेत्र, उद्योग आणि सरकार यांच्यात मजबूत सेतू तयार करणे. त्यांनी सांगितले की, ६ जी साठी १०० हून अधिक आरअँडडी प्रकल्पांना पाठबळ दिले जात आहे, ज्याचा उद्देश स्वदेशी चिपसेट विकसित करणे, एआय-आधारित बुद्धिमान नेटवर्क तयार करणे आणि नाविन्यपूर्ण तंत्रज्ञानाला चालना देणे हा आहे.