भारतीय क्रिकेट नियामक मंडळाने (बीसीसीआय) कोलकाता नाईट रायडर्स संघाला २०२६ च्या इंडियन प्रीमियर लीग हंगामापूर्वी बांगलादेशचा वेगवान गोलंदाज मुस्तफिजूर रहमान याला त्यांच्या संघातून वगळण्याचे निर्देश दिले आहेत. बीसीसीआयचे सचिव देवजित सैकिया यांनी सांगितले की, अलीकडच्या काळात बांगलादेशमध्ये अनेक हिंदूंच्या हत्येच्या घटना घडल्या, यामुळेच हा निर्णय घेण्यात आला आहे. सैकिया यांनी पुष्टी केली की, केकेआरने रहमानला त्यांच्या संघातून काढून टाकल्यानंतर बोर्ड त्यांना बदली खेळाडू म्हणून करार करण्याची परवानगी देईल.
सैकिया यांनी बीसीसीआयची भूमिका स्पष्ट केली आणि केकेआरला बांगलादेशी खेळाडूला संघातून वगळण्याचे औपचारिक निर्देश दिले. “सर्वत्र सुरू असलेल्या अलिकडच्या घडामोडींमुळे, बीसीसीआयने केकेआरला बांगलादेशच्या मुस्तफिजूर रहमानला त्यांच्या संघातून वगळण्याचे निर्देश दिले आहेत,” असे सैकिया म्हणाले. बीसीसीआयने असेही म्हटले आहे की, जर त्यांनी कोणत्याही बदली खेळाडूची मागणी केली तर बीसीसीआय त्यासाठी परवानगी देईल.
केकेआरने अबू धाबीमध्ये झालेल्या मिनी- लिलावात रहमानला ९.२० कोटी रुपयांना घेतले होते. केकेआर, दिल्ली कॅपिटल्स आणि चेन्नई सुपर किंग्ज यांच्यात रहमानला संघात घेण्यासाठी चढाओढ सुरू होती. अखेर केकेआरने आघाडी घेत रहमानला संघात घेतले. मात्र, आता दोन्ही देशांचे संबंध तणावात असताना हा निर्णय वादग्रस्त ठरला. लिलावानंतरच्या काही दिवसांत यासंबंधी तीव्र प्रतिक्रिया उमटू लागल्या. त्यानंतर बीसीसीआयने हा निर्णय घेतला आहे.
हे ही वाचा:
“हातात पदवी, खिशात आरडीएक्स असलेला व्हाईट कॉलर दहशतवाद देशासाठी धोकादायक”
चाकू, हातोडे, हातमोजे आणि… इस्लामी कट्टरतावाद्याचा कट उधळला
“मोदी सरकार हटवण्यासाठी बांगलादेशसारखी निदर्शने आवश्यक”
भाजपा, महायुतीचे ६८ नगरसेवक बिनविरोध विजयी
बांगलादेशमध्ये हिंदूंविरुद्ध हिंसाचाराच्या अनेक घटना घडल्या आणि म्हणूनच रहमानला संघाबाहेर काढण्याची मागणी वाढत होती. यापूर्वी, भाजप नेते संगीत सोम यांनी बांगलादेशच्या एका खेळाडूला करारबद्ध केल्याबद्दल बॉलिवूड अभिनेता शाहरुख खानला देशद्रोही म्हटले होते. तथापि, बीसीसीआयच्या सचिवांनी बांगलादेशच्या आगामी दौऱ्याबद्दल काहीही सांगितले नाही, जिथे भारत सप्टेंबर २०२६ मध्ये तीन एकदिवसीय आणि तीन टी-२० सामने खेळणार आहे.