एअर इंडियाच्या विमानात आग लागल्याची घटना घडली आहे. दिल्ली विमानतळावर उतरताना विमानात ही आग लागली. हाँगकाँगहून दिल्ली विमानतळावर उतरताच एअर इंडियाच्या विमानाच्या ऑक्झिलरी पॉवर युनिट (एपीयू) ला आग लागली. सुदैवाने कोणतीही जीवितहानी झाली नाही, सर्व प्रवासी आणि कर्मचारी पूर्णपणे सुरक्षित आहेत.
या प्रकरणाची अधिक माहिती एअर इंडियाने दिली आहे. एअर इंडियाच्या प्रवक्त्याने सांगितले की, मंगळवारी हाँगकाँगहून दिल्लीला जाणारे विमान क्रमांक एआय ३१५ ला गेटवर उतरल्यानंतर आणि पार्किंग केल्यानंतर लगेचच ऑक्झिलरी पॉवर युनिट (एपीयू) मध्ये आग लागली. प्रवासी उतरू लागले तेव्हा ही घटना घडली. आग लागताच, सिस्टम डिझाइननुसार एपीयू आपोआप बंद झाले.
“विमानाचे काही नुकसान झाले आहे. तथापि, प्रवासी आणि क्रू मेंबर्स सामान्यपणे उतरले आहेत आणि ते सुरक्षित आहेत. पुढील चौकशीसाठी विमान ग्राउंड करण्यात आले आहे आणि नियामकाला योग्यरित्या सूचित करण्यात आले आहे,” असे प्रवक्त्याने सांगितले.
हे ही वाचा :
‘आम्हाला जे करायचे आहे ते करू’
क्रिकेटची सुरुवात कशी झाली हे तुम्हाला माहिती आहे का?
‘फडणवीसांचे कष्ट पाहून ते थकत कसे नाहीत, हा प्रश्न पडतो!’
केरळमध्ये महिनाभराच्या अडचणीनंतर ब्रिटिश एफ-३५ लढाऊ विमान अखेर मायदेशी परतले!
