भारतीय वेगवान गोलंदाज मोहम्मद सिराज आणि प्रसिद्ध कृष्णा यांच्या भेदक माऱ्यामुळे इंग्लंडचा संघ ‘द ओव्हल’ टेस्टच्या पहिल्या डावात मोठी आघाडी घेण्यात अपयशी ठरला. भारताच्या २२४ धावांच्या उत्तरात इंग्लंडचा डाव २४७ धावांवर संपुष्टात आला, त्यामुळे इंग्लंडला केवळ २३ धावांची आघाडी मिळाली.
इंग्लंडची दमदार सुरुवात, पण डाव गडगडला
जॅक क्रॉली (६४ धावा) आणि बेन डकेट (४३ धावा) यांनी इंग्लंडसाठी पहिल्या विकेटसाठी ९२ धावांची भागीदारी करत मजबूत सुरुवात करून दिली. त्यावेळी असं वाटत होतं की इंग्लंड भारतावर मोठी आघाडी घेईल. पण हे दोघे बाद झाल्यानंतर, फक्त हॅरी ब्रूक (५३ धावा) असा फलंदाज होता ज्याने भारतीय गोलंदाजांचा चांगला सामना केला. इंग्लंडने शेवटचे ५ बळी फक्त ५२ धावांत गमावले.जो रूट ने २९ धावा केल्या.
हे ही वाचा:
आक्षेपार्ह पोस्टमुळे दौंड तालुक्याच्या यवतमध्ये दोन गट आमनेसामने!
मिलिंद घाग मनसेच्या विद्यार्थी सेनेचे प्रमुख संघटक
“मतांसाठी हिंदूंना दहशतवादी म्हटले”
भारतीय गोलंदाजांचा भेदक मारा
मोहम्मद सिराज आणि प्रसिद्ध कृष्णा यांनी प्रत्येकी ४-४ बळी घेतले, जे संपूर्ण डावात निर्णायक ठरले. आकाश दीपला एक बळी मिळाला. क्रिस वोक्स दुखापतीमुळे फलंदाजीसाठी मैदानात उतरू शकला नाही.
भारताची दुसरी डावाची दमदार सुरुवात
बातमी लिहेपर्यंत भारताने दुसऱ्या डावात कोणतीही विकेट न गमावता ३४ धावा केल्या होत्या.
भारताचा पहिला डाव लवकर आटोपला
- भारताने दुसऱ्या दिवशी सकाळी ६ बाद २०४ धावांपासून खेळ सुरू केला, पण पुढील २० धावांत शेवटचे ४ बळी गमावले.
- करुण नायर (५७ धावा) आणि वॉशिंग्टन सुंदर (२६ धावा) यांनी थोडीफार भर घातली.प
- पहिल्या दिवशी भारताची वरची फळी कोसळली होती:
-
- ओपनर जायसवाल – २ धावा,
- के. एल. राहुल – १४,
- साई सुदर्शन – ३८,
- शुभमन गिल – २१.
- इंग्लंडच्या गोलंदाजांची कामगिरी
- गस अॅटकिंसन – ५ बळी
- जोश टंग – ३ बळी
- क्रिस वोक्स – १ बळी
- एकूण स्थिती:
| संघ | डाव | धावा |
|---|---|---|
| भारत | १ला डाव | २२४ |
| इंग्लंड | १ला डाव | २४७ |
| भारत | २रा डाव | ३४/० (चालू) |