दिल्लीच्या मुख्यमंत्री रेखा गुप्ता यांच्यावरील हल्ल्यानंतर, दिल्ली पोलिस आता त्यांच्या सुरक्षेत मोठा बदल करणार आहेत. सूत्रांनी दिलेल्या माहितीनुसार, जनसुनावणीदरम्यान नवीन सुरक्षा व्यवस्था असेल. मुख्यमंत्र्यांजवळ कोणीही पोहोचू शकणार नाही याची खात्री केली जाईल. जनसुनावणीदरम्यान, प्रथम तक्रार पडताळली जाईल. त्यानंतरच ती मुख्यमंत्र्यांकडे पाठवली जाईल.
या कडक सुरक्षेसाठी सीआरपीएफ जवान तैनात केले जाणार आहेत. तथापि, जेव्हा मुख्यमंत्री रेखा गुप्ता बाहेर येतील तेव्हा त्यांच्यासोबत असलेल्या सुरक्षेत कोणताही बदल होणार नाही. मुख्यमंत्री रेखा गुप्ता यांना झेड प्लस सुरक्षा देण्यात आली आहे, त्यात कोणताही बदल करण्यात आलेला नाही, फक्त जनसुनावणीदरम्यान व्यवस्था बदलली जाणार आहे.
गृह मंत्रालयाच्या सूत्रांनी दिलेल्या माहितीनुसार, दिल्लीच्या मुख्यमंत्री रेखा गुप्ता यांना केंद्र सरकारकडून सीआरपीएफ सुरक्षा प्रदान केली जाईल. केंद्र सरकारने त्यांना झेड श्रेणीची सुरक्षा दिली आहे. बुधवारी झालेल्या हल्ल्यानंतर केंद्राने हा निर्णय घेतला आहे. सीआरपीएफ जवानांना कडक सुरक्षेसाठी तैनात केले जाईल.
हे ही वाचा :
‘मी त्याला मारले’, बरं काही काळासाठी अंडरग्राउंड हो, चाट्स डिलीट कर!
प्रसिद्ध युट्यूबर अरमान मलिकविरुद्ध बलात्कार आणि पॉक्सो कायद्यान्वये गुन्हा दाखल
उत्तर नायजेरियातील मशिदीत नमाजदरम्यान गोळीबार; २७ जणांचा दुर्दैवी मृत्यू
‘भारत आमच्यासाठी खूप महत्त्वाचा’- रशियाचा अमेरिकेला स्पष्ट संदेश
बुधवारी सकाळी सिव्हिल लाईन्स येथील मुख्यमंत्री रेखा गुप्ता यांच्या कार्यालयात आयोजित ‘जन सुनवाई’ कार्यक्रमादरम्यान एका व्यक्तीने त्यांच्यावर हल्ला केला. मुख्यमंत्री कार्यालयाने हा हल्ला “मुख्यमंत्र्यांच्या हत्येच्या सुनियोजित कटाचा” भाग असल्याचे म्हटले आहे. दिल्ली पोलिसांनी हल्ल्याप्रकरणी हत्येच्या प्रयत्नाचा गुन्हा दाखल केला आणि आरपी राजेश खिमजी यांना न्यायालयात हजर केले जिथून त्यांना पाच दिवसांच्या पोलिस कोठडीत पाठवण्यात आले आहे.
