उत्तर प्रदेशच्या राजधानी लखनऊमध्ये एका फटाक्यांच्या कारखान्यात भीषण स्फोट झाल्याची माहिती समोर आली आहे. या स्फोटामुळे इमारत कोसळली आणि त्यात २ जणांचा मृत्यू झाला आहे. काही लोक ढिगाऱ्याखाली अडकले असण्याची शक्यता व्यक्त केली जात आहे. काही जखमींना स्थानिकांच्या मदतीने बाहेर काढून रुग्णालयात दाखल करण्यात आले आहे. मिळालेल्या माहितीनुसार, लखनऊच्या गुडंबा परिसरातील बेहटा गावात हा स्फोट झाला.
स्फोटाचा आवाज लांबपर्यंत ऐकू गेला आणि त्यामुळे परिसरात एकच खळबळ उडाली. तात्काळ पोलिसांना घटनेची माहिती देण्यात आली. स्थानिकांच्या मदतीने जखमींना बाहेर काढण्यात आले. दरम्यान, रुग्णवाहिका ताफा घटनास्थळी दाखल झाला. याशिवाय, लखनऊचे जिलाधिकारी, पोलीस आयुक्त आणि डीसीपी ईस्ट हेही घटनास्थळी पोहोचले आहेत. सध्या बचाव कार्य सुरू आहे. मुख्यमंत्री योगी आदित्यनाथ यांनी लखनऊमधील फटाक्यांच्या कारखान्यात झालेल्या या भीषण अपघाताची दखल घेतली आहे.
हेही वाचा..
अभिनेत्री प्रिया मराठेचे अकाली निधन
एअर इंडियाचं विमान बिघाडामुळे दिल्लीला परतलं
भाजप राष्ट्रहितासाठी काम करते आणि त्यासाठी बलिदान देते
बाईकबॉट घोटाळा प्रकरणात ईडीची मोठी कारवाई
उत्तर प्रदेश मुख्यमंत्री कार्यालयाने सोशल मीडिया प्लॅटफॉर्म ‘एक्स’ वर लिहिले, “मुख्यमंत्र्यांनी मृतांच्या शोकाकुल कुटुंबीयांप्रती संवेदना व्यक्त केली आहे. जखमींना तात्काळ रुग्णालयात दाखल करून त्यांच्यावर योग्य उपचार करण्याचे निर्देश जिल्हा प्रशासनाला दिले आहेत. तसेच जखमी लवकर बरे होवोत अशी प्रार्थनाही केली आहे. मुख्यमंत्र्यांनी जिल्हा प्रशासनाला घटनास्थळी पोहोचून मदतकार्य वेगाने करण्याचे निर्देशही दिले आहेत.”