संयुक्त राष्ट्रसंघाच्या एचआयव्ही/एड्सवरील कार्यक्रमाने (यूएनएआयडीएस) आपल्या ताज्या अहवालात धक्कादायक खुलासे केले आहेत. यूएनएआयडीएसने इशारा दिला आहे की एचआयव्हीविरुद्धच्या जागतिक लढ्याला गेल्या अनेक दशकांतील सर्वात मोठा धक्का बसला आहे. या अहवालात एड्स महामारकाला संपविण्याच्या उद्दिष्टासाठी एकजुटीवर, धैर्यावर, गुंतवणुकीवर आणि नवोन्मेषांवर भर देण्याचे आवाहन करण्यात आले आहे. अहवालाचे शीर्षक “ओव्हरकमिंग डिस्रप्शन, ट्रान्सफॉर्मिंग द एड्स रिस्पॉन्स” असे आहे. या अहवालात एचआयव्ही प्रतिबंधासाठीच्या प्रयत्नांना आंतरराष्ट्रीय पातळीवर मिळणाऱ्या निधीमध्ये घट आणि जागतिक एकात्मतेमध्ये कमी झाल्याने निर्माण होणाऱ्या गंभीर परिणामांचा उल्लेख आहे.
अहवालानुसार, २०२५ मध्ये आंतरराष्ट्रीय एचआयव्ही मदतीत अचानक कपात झाल्यास निधीअभावी निर्माण झालेली तफावत आणखी वाढेल. ऑर्गनायझेशन फॉर इकॉनॉमिक को-ऑपरेशन अँड डेव्हलपमेंटच्या अंदाजानुसार २०२३ च्या तुलनेत २०२५ मध्ये बाह्य आरोग्य सहाय्यात ३०-४० टक्के घट होण्याची शक्यता आहे. असे झाल्यास कमी आणि मध्यम उत्पन्न असलेल्या देशांतील आरोग्यसेवा त्वरित आणि मोठ्या प्रमाणात विस्कळीत होऊ शकतात. अहवाल स्पष्ट करतो की एचआयव्ही प्रतिबंधक सेवांवर सर्वात गंभीर परिणाम झाला आहे. एचआयव्ही प्रतिबंधक औषधांच्या पुरवठ्यातील मोठी घट आणि पुरुषांसाठीच्या स्वेच्छेच्या वैद्यकीय सुंता कार्यक्रमात जबरदस्त घसरण झाल्याने लाखो लोकांच्या सुरक्षेत धोका वाढला आहे. अल्पवयीन महिलांमध्ये एचआयव्ही संसर्ग फैलावू नये यासाठी सुरू असलेल्या कार्यक्रमांनाही याचा मोठा फटका बसला आहे.
हेही वाचा..
रेल्वेत फक्त हलाल मांस; मानवाधिकार आयोगाने पाठवली नोटीस
नवोदित मुंबई श्री शरीरसौष्ठव स्पर्धा रंगणार शनिवारी
दिल्ली बॉम्बस्फोट प्रकरणात दहशतवादी उमरला आश्रय देणारा सातवा आरोपी अटक
बास्केटबॉलचा खांब अंगावर कोसळून खेळाडूचा मृत्यू
सिन्हुआ न्यूज एजन्सीनुसार, या अहवालात चेतावणी देण्यात आली आहे की एड्सविरोधातील पुढील जागतिक धोरणाअंतर्गत २०३० पर्यंत ही महामारी रोखण्याचे लक्ष्य ठेवण्यात आले होते. मात्र, ते साध्य करण्यात अपयश आल्यास २०२५ ते २०३० या कालावधीत ३.३ दशलक्ष (३३ लाख) नवे एचआयव्ही संक्रमनाचे रुग्ण वाढू शकतात. यूएनएआयडीएसच्या माहितीनुसार, जगभरात ४०.८ दशलक्ष (४ कोटी ८ लाख) लोक एचआयव्हीग्रस्त आहेत. २०२४ मध्ये १.३ दशलक्ष (१३ लाख) नवे रुग्ण निदर्शनास आले, तर ९.२ दशलक्ष (९२ लाख) लोकांना अद्याप उपचार उपलब्ध नाहीत.
१ डिसेंबरला जागतिक एड्स दिनाच्या पार्श्वभूमीवर, यूएनएआयडीएसने जगातील सर्व देशांच्या नेतृत्वांना एकत्र येऊन एड्स संपविण्याच्या वचनाला पुन्हा एकदा पाळण्याचे आवाहन केले आहे. तसेच एचआयव्ही प्रतिसादासाठीचे निधी कायम ठेवणे, नवोन्मेषात गुंतवणूक करणे, मानवाधिकार संरक्षित करणे आणि संबंधित समुदायांना मजबूत बनविण्याची विनंती करण्यात आली आहे. यूएनएआयडीएसच्या कार्यकारी संचालक विनी ब्यायन्यिमा म्हणाल्या, “हा निर्णय घेण्याचा क्षण आहे. आपण या धक्क्यांमुळे दशकांपासून मिळविलेली प्रगती कोलमडू देऊ शकतो किंवा एड्स संपविण्याच्या समान ध्येयामागे एकजुट होऊ शकतो. आज लाखो लोकांचे जीवन आपल्या निवडीवर अवलंबून आहे.”