मणिपूरच्या उखरुल जिल्ह्यात पुन्हा एकदा हिंसाचाराची घटना घडली. गोळीबाराच्या दोन वेगवेगळ्या घटनांमध्ये तीन जण ठार झाले झाल्याचे समोर आले आहे. मणिपूरमध्ये यापूर्वी मैतेई आणि कुकी समुदायांमधील वांशिक संघर्ष सुरू असताना आता उखरुलमध्ये नागा आणि कुकी समुदायांमध्ये हिंसाचाराच्या घटना समोर येत आहेत.
पोलिसांनी दिलेल्या माहितीनुसार, उखरुल जिल्ह्यातील सिनाकेइथेई गावाजवळ तांगखुल नागा आणि कुकी समुदायांच्या सशस्त्र गटांमध्ये जोरदार गोळीबार झाला. या हिंसक संघर्षामुळे जिल्ह्यातील शांततापूर्ण वातावरण पूर्णपणे तणावपूर्ण झाले आहे. या चकमकीत २९ वर्षीय तांगखुल तरुण होर्शोकमी जामांग ठार झाला. तो कामजोंग जिल्ह्यातील चात्रिक खुलेन गावचा रहिवासी होता. या गोळीबारात तीन नागरिकही जखमी झाले असून त्यांना उपचारासाठी रुग्णालयात दाखल करण्यात आले आहे.
नागा संघटना तंगखुल नागा लाँग (TNL) ने असा आरोप केला आहे की, ऑपरेशन स्थगिती (SoO) अंतर्गत कुकी अतिरेक्यांच्या कारवायांमुळे परिसरात अशांतता निर्माण झाली आहे. संघटनेचा दावा आहे की, गस्त घालत असताना कुकी अतिरेक्यांनी नागा ग्रामरक्षकांवर हल्ला केला. पहिल्या घटनेनंतर लगेचच, जवळच्या मुल्लम गावात पुन्हा गोळीबार झाला. मुल्लम हे कुकी-बहुल गाव आहे. या चकमकीत ठार झालेल्या दोन व्यक्तींची ओळख लेतलाल सितल्हो (जेम्स कुकी) आणि पाओमिनलुन हाओलाओ (हितेलाल कुकी) अशी पटली असून, ते दोघेही कांगपोकपी जिल्ह्यातील रहिवासी होते.
मुल्लम गाव प्रशासनाने आरोप केला आहे की, शुक्रवारी पहाटे ५:३० च्या सुमारास तांगखुल अतिरेक्यांनी त्यांच्या गावावर हल्ला केला. कुकी ऑर्गनायझेशन फॉर ह्युमन राइट्स ट्रस्टने या हत्याकांडाचा तीव्र शब्दांत निषेध केला असून, मुल्लम आणि सोंगफल गावांमध्ये घरेही जाळण्यात आल्याचा दावा केला आहे.
हे ही वाचा:
प. बंगाल निवडणुकीदरम्यान पक्षपाताच्या आरोपावरून पाच पोलिस निलंबित
चंद्र-मंगळ मोहिमांसाठी मानवी सहनशक्तीची चाचणी
इराण-अमेरिका थेट चर्चा नाही; पाकिस्तानमार्फत होणार संवाद
रशियाने २२ टन सोने विकले; जागतिक बाजारात खळबळ
उखरुल जिल्हा हा प्रामुख्याने तांगखुल नागा-बहुल प्रदेश आहे. फेब्रुवारी २०२६ पासून तांगखुल आणि कुकी समुदायांमधील तणाव वाढत आहे. गेल्या आठवड्यात, उखरुलमध्ये झालेल्या दहशतवादी हल्ल्यात दोन तांगखुल पुरुष ठार झाले. त्याच दिवशी सिनाकेइथेई येथेही गोळीबाराची घटना घडली. तणावामुळे परिसरात अतिरिक्त सुरक्षा दल तैनात करण्यात आले आहे. पोलीस आणि जिल्हा प्रशासन परिस्थिती नियंत्रणात आणण्याचा प्रयत्न करत आहेत, परंतु विविध समुदायांमधील वाढता अविश्वास हा शांतता प्रस्थापित करण्याच्या मार्गातील सर्वात मोठा अडथळा ठरत आहे.