पंजाबमधील एका कबड्डी खेळाडूच्या हत्येप्रकरणी लॉरेन्स बिश्नोई टोळीतील पाच शूटर्सना अटक करण्यात आली आहे. मोहाली येथे कबड्डी खेळाडूची हत्या करण्यात आल्याने खळबळ उडाली होती. स्पर्धेत सहभागी असताना अज्ञात हल्लेखोरांनी कबड्डी खेळाडूची गोळ्या घालून हत्या केली. मोटारसायकलवरून आलेल्या हल्लेखोरांनी सेल्फी काढण्याच्या बहाण्याने पीडित राणा बालाचौरिया याच्याकडे जाऊन गोळीबार केला.
या प्रकरणाचा तपास सुरू असताना लॉरेन्स बिश्नोई टोळीतील पाच शूटर्सना अटक करण्यात आली आहे. लॉरेन्सचा भाऊ अनमोल बिश्नोई आणि आरजू बिश्नोई टोळीच्या इशाऱ्यावर काम करणाऱ्या पाच शूटर्सना अटक करण्यात आली. या व्यक्तींनी चंदीगड, पंजाब आणि हरियाणामध्ये तीन मोठ्या हत्या केल्या. १ डिसेंबर रोजी चंदीगडमध्ये गोल्डी ब्रार टोळीशी संबंधित इंद्रप्रीत पेरीची हत्या करण्यात आली. सप्टेंबरमध्ये अमृतसरमध्ये लायन बार रेस्टॉरंटचे मालक आशु महाजन यांची हत्या करण्यात आली. जूनमध्ये पंचकुलामध्ये कबड्डी खेळाडू सोनू नाल्टाची हत्या करण्यात आली.
दिल्ली पोलिसांच्या स्पेशल सेलला मोठे यश मिळाले आहे. दिल्ली पोलिसांच्या स्पेशल सेलने आरजू-अनमोल बिश्नोई आणि हॅरी बॉक्सर टोळीशी संबंधित पाच कुख्यात गुन्हेगारांना अटक केली आहे. हे सर्व कुख्यात गुन्हेगार या हत्येत थेट सहभागी होते. अटक केलेल्या आरोपींमध्ये राष्ट्रीय कबड्डी खेळाडू सोनू नाल्टा, राष्ट्रीय कबड्डी खेळाडू इंद्रप्रीत सिंग उर्फ पेरी आणि लायन बार अँड रेस्टॉरंटचे मालक आशु महाजन यांच्या हत्येचा कट रचणारा शूटर यांचा समावेश आहे. दिल्ली पोलिसांच्या म्हणण्यानुसार, हे सर्व आरोपी पंजाब, हरियाणा आणि चंदीगडमध्ये हवे होते आणि ते बऱ्याच काळापासून फरार होते.
हे ही वाचा :
पंतप्रधान मोदी इथिओपियाच्या सर्वोच्च पुरस्काराने सन्मानित!
१.५ कोटींच्या फसवणूकीचा कट उधळला; बँक अधिकाऱ्यांनी दाखवली सतर्कता
अमेरिकेकडून आणखी २० देशांवर प्रवास बंदी! कोणत्या देशांचा समावेश?
“तुम्ही या प्रजासत्ताकाचा भाग नाही का?”: सर्वोच्च न्यायालयाने द्रमुक सरकारला फटकारले
राणा बालाचौरिया हल्ल्याची जबाबदारी बंबीहा टोळीने स्वीकारल्याची माहिती समोर आली होती. तसेच या टोळीने दावा केला आहे की, संबंधित कबड्डी खेळाडूने पंजाबी गायक सिद्धू मूसेवाला याच्या मारेकऱ्यांना आश्रय दिला होता. बंबीहा टोळीशी संबंधित असलेल्या एका छोट्या टोळीने पोस्ट केलेल्या इन्स्टाग्राम रीलमध्ये पंजाबी भाषेत म्हटले आहे की हा हल्ला २०२२ मध्ये मुसेवालाच्या हत्येचा बदला घेण्यासाठी होता, असा दावा केला आहे की राणा बालाचौरिया लॉरेन्स बिश्नोई आणि जग्गू भगवानपुरियाच्या टोळ्यांशी जोडलेला होता. तसेच खेळाडूंना जग्गूने “प्रायोजित” केलेल्या कबड्डी संघांसाठी न खेळण्याचा इशारा दिला होता. पोस्टमध्ये अनेक व्यक्तींची नावे देण्यात आली होती आणि पीडितेचे प्रतिस्पर्धी टोळ्यांशी संबंध असल्याचा आरोप करण्यात आला होता.