लाल किल्ल्याजवळ झालेल्या स्फोटाशी संबंधित दहशतवादी मॉड्यूलच्या तपासात धक्कादायक माहिती समोर आली असून, उच्चशिक्षित डॉक्टरांनी ‘घोस्ट’ सिम कार्ड्स आणि एन्क्रिप्टेड अॅप्सचा वापर करून पाकिस्तानमधील हँडलर्सशी संपर्क ठेवला होता, असे तपासाशी संबंधित अधिकाऱ्यांनी उघड केले आहे.
ही माहिती १० नोव्हेंबर २०२५ रोजी दिल्लीतील लाल किल्ल्याजवळ झालेल्या स्फोट प्रकरणाच्या तपासात समोर आली आहे.
दूरसंचार विभागाचा मोठा निर्णय
या तपासातून मिळालेल्या निष्कर्षांच्या आधारे २८ नोव्हेंबर रोजी दूरसंचार विभागाने (DoT) महत्त्वाचा आदेश जारी केला.
या आदेशानुसार व्हॉट्सअॅप, टेलिग्राम, सिग्नल यांसारखी अॅप-आधारित संवाद प्रणाली सतत सक्रिय असलेल्या भौतिक सिम कार्डशी जोडलेली असणे बंधनकारक करण्यात आले आहे, असे वृत्त पीटीआयने दिले आहे.
लाल किल्ला स्फोटाची पार्श्वभूमी
१० नोव्हेंबर रोजी सायंकाळी रेड फोर्टजवळील ह्युंदाई i20 कारमध्ये स्फोट झाला होता, ज्यात अनेकांचा मृत्यू झाला.
तपास अधिकाऱ्यांच्या माहितीनुसार, ही कार डॉ. उमर-उन-नबी चालवत होता. तो मूळचा पुलवामाचा रहिवासी असून फरीदाबादच्या अल-फलाह विद्यापीठात कार्यरत होता.
हे ही वाचा:
संजय कांबळे यांचा प्रचाराचा झंझावात
महायुतीच्या उमेदवार स्वाती जयस्वाल यांच्या प्रचार कार्यालयाचे उद्घाटन
अमित शहा तमिळनाडूत एनडीएला सत्तेत आणतील
फ्लाइटमध्ये पॉवर बँक वापरण्यावर बंदी
तपासात काय उघड झाले?
🔹 ‘व्हाईट कॉलर’ दहशतवादी मॉड्यूल
या प्रकरणात सहभागी असलेले आरोपी उच्चशिक्षित डॉक्टर होते. त्यामध्ये मुज्जमिल गनई, आदिल राथर यांच्यासह इतरांचा समावेश आहे.
‘घोस्ट’ सिम कार्डचा वापर
तपासात असे आढळून आले की, आरोपी दोन किंवा तीन मोबाईल फोन वापरत होते. एकाच वेळी अनेक ‘घोस्ट’ सिम कार्ड्स वापरून सुरक्षा यंत्रणांना चकवा देण्यात येत होता
लाल किल्ल्याजवळ स्फोटकांनी भरलेली कार चालवताना मृत्यू पावलेला डॉ. उमर-उन-नबी याच पद्धतीचा वापर करत होता.
‘क्लीन फोन’ आणि ‘टेरर फोन’
अधिकाऱ्यांनी सांगितले की, एक मोबाईल ‘क्लीन फोन’ म्हणून वापरला जात असे. दुसरा मोबाईल ‘टेरर फोन’ होता. तो केवळ व्हॉट्सअॅप व टेलिग्रामसाठी होता.
पाकिस्तानमधील हँडलर्सची कोडनेम्स ‘उकासा’, ‘फैजान’, ‘हाश्मी’ अशी होती. या फोनमध्ये वापरलेली सिम कार्ड्स निष्पाप नागरिकांच्या आधार तपशीलांचा गैरवापर करून मिळवण्यात आली होती.
बनावट आधारवर सिम रॅकेट
जम्मू-काश्मीर पोलिसांनी बनावट आधार कार्डवर सिम जारी करण्याचे स्वतंत्र रॅकेट उघडकीस आणले. धक्कादायक बाब म्हणजे, ही सिम कार्ड्स पाकव्याप्त काश्मीर (PoK) किंवा पाकिस्तानमधून वापरली जात असतानाही मेसेजिंग अॅप्सवर सक्रिय राहात होती
सीरिया-अफगाणिस्तानऐवजी भारतात हल्ले
तपासात समोर आले की, सुरुवातीला हे भरती झालेले तरुण सीरिया किंवा अफगाणिस्तानमध्ये जिहादसाठी जाण्याच्या इच्छेत होते
मात्र पाकिस्तानी हँडलर्सनी सिम नसतानाही चालणाऱ्या अॅप्सचा वापर कसा करायचा याचे मार्गदर्शन केले.यूट्यूबद्वारे IED तयार करण्याचे प्रशिक्षण दिले. भारतातील अंतर्गत भागांमध्ये (“हिंटरलँड”) हल्ल्यांचे नियोजन करण्यास प्रवृत्त केले.
Snapchat, ShareChat, JioChat यांसह सर्व सेवा पुरवठादारांना DoT कडे अनुपालन अहवाल सादर करणे बंधनकारक असेल