एका टेम्पोने पोलीस कॉन्स्टेबलच्या मोटार सायकलला पाठीमागून धडक दिली,या धडकेत पोलीस कॉन्स्टेबल उड्डाणपुलावरून खाली पडल्याने गंभीरीरित्या जखमी झाला असून त्यांना तात्काळ नजीकच्या रुगणालयात उपचारासाठी दाखल करण्यात आला आहे. ही घटना मंगळवारी सायंकाळी लोअर परळ येथील फिनिक्स मॉल जवळ घडली.याप्रकरणी एन.एम.जोशी मार्ग पोलिसांनी टेम्पो चालकाला ताब्यात घेऊन त्याच्या विरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार वरळी येथे राहणारे पोलीस कॉन्स्टेबल अजित सुर्वे असे जखमी कॉन्स्टेबलचे नाव असून सुर्वे हे वांद्रे पोलीस ठाण्यात तैनात असून वरळी येथे कुटूंबासह राहण्यास आहे. मंगळवारी सायंकाळी अजित सुर्वे हे ड्युटीवर जाण्यासाठी बुलेटने निघाले होते, लोअर परळ येथील फिनिक्स मॉल समोर असलेल्या उड्डाणपुलावरून जात असताना पाठीमागून येणाऱ्या टेम्पोने त्यांना जोरदार धडक दिली, या धडकेत पोलिस कॉन्स्टेबल अजित सुर्वे हे मोटारसायकल वरून उडून उड्डाणपुलाखाली कोसळले, त्यात त्यांना गंभीर दुखापत झाली.
हे ही वाचा:
गोवा विशेष : आता काही महिने नाही, वर्षभर पर्यटन!
लिफ्टमध्ये हायड्रोजन गॅस भरलेल्या फुग्यांचा स्फोट
पीएम सूर्य घर योजनेचा २६ लाखांहून अधिक कुटुंबांना फायदा
त्यांना इतर वाहन चालकांनी तात्काळ नजीकच्या खाजगी रुग्णालयात दाखल करण्यात आले असून त्यांच्यावर उपचार सुरू आहे. या घटनेची माहिती मिळताच एन.एम.जोशी मार्ग पोलिसांनी घटनास्थळी धाव घेऊन टेम्पो चालकाला ताब्यात घेऊन टेम्पो चालकाविरुद्ध गुन्हा दाखल करण्यात आला आहे.