झिम्बाब्वेविरुद्ध ट्रेंट ब्रिज येथे खेळलेल्या एकमेव कसोटीत दमदार फलंदाजी केल्यानंतर इंग्लंडच्या अव्वल फळीतील तीन प्रमुख फलंदाजांनी ICC पुरुष कसोटी रँकिंगमध्ये मोठी झेप घेतली आहे.
अनुभवी जो रूट ८८८ गुणांसह अजूनही कसोटी फलंदाजांच्या यादीत अव्वल स्थानी कायम आहे. त्याच्या साथीदार हॅरी ब्रूकने त्या सामन्यात ५८ धावा करत रूटशी केवळ १५ गुणांचे अंतर ठेवले असून तो दुसऱ्या स्थानावर आहे. केन विल्यमसन (८६७), यशस्वी जयस्वाल (८४७) आणि स्टीव्ह स्मिथ (८२३) हे अन्य टॉप-५ फलंदाज आहेत.
चार दिवसीय सामन्यात इंग्लंडच्या झॅक क्रॉली (१२४), बेन डकेट (१४०) आणि ऑली पोप (१७१) यांनी शतकी खेळी करत टीमला मजबूत स्थितीत नेलं. त्याचा फायदा त्यांना रँकिंगमध्ये झाला आहे. डकेट दोन स्थान वर जाऊन १३व्या स्थानावर पोहोचला आहे, पोप सहा स्थानांची झेप घेत २२व्या स्थानी आणि क्रॉली आठ स्थान वर जाऊन ३३व्या स्थानी पोहोचला आहे.
जरी झिम्बाब्वेने इंग्लंडकडून डाव आणि ४५ धावांनी पराभव स्वीकारावा लागला, तरी सीन विलियम्स आणि ब्रायन बेनेट यांच्या फलंदाजीने त्यांच्या संघाला दिलासा दिला आणि रँकिंगमध्ये थोडी उंची मिळवून दिली.
गोलंदाजांच्या रँकिंगमध्ये इंग्लंडचा वेगवान गोलंदाज गस एटकिंसनने तीन बळी घेत एक स्थान वर जाऊन १३व्या क्रमांकावर पोहोचला आहे. शोएब बशीरने नऊ बळी घेत १४ स्थानांची झेप घेत ४३व्या स्थानावर मजल मारली.
भारताचा जसप्रीत बुमराह कसोटीतील नंबर १ गोलंदाजपदावर कायम आहे. कसोटी अष्टपैलूंच्या यादीत एटकिंसन एका स्थानाने वर जाऊन सातव्या स्थानी पोहोचला आहे, तर रवींद्र जडेजा नंबर १ कसोटी अष्टपैलू म्हणून आपली जागा कायम ठेवून आहे.
श्वेत चेंडूच्या क्रिकेटमध्ये देखील काही बदल झाले आहेत. वेस्ट इंडिजचा फलंदाज कीसी कार्टी १७० धावांच्या खेळीच्या जोरावर २० स्थान वर जाऊन १६व्या स्थानी पोहोचला आहे. आयर्लंडच्या अँड्र्यू बालबर्नीने आठ स्थानांची झेप घेत ४८व्या स्थानावर पोहोचला. अमेरिकेचा वेगवान गोलंदाज सौरभ नेत्रावलकर चार स्थान वर जाऊन २२व्या स्थानी पोहोचला आहे.