कॅनडा: खलिस्तानी संघटनेची धमकी; भारतीय वाणिज्य दूतावास ताब्यात घेण्याचा इशारा

बंदी घातलेली खलिस्तानी संघटना शिख्स फॉर जस्टिसने (एसएफजे) पुन्हा एकदा भारतविरोधी कारवाया जाहीर केल्या आहेत आणि १८ सप्टेंबर रोजी कॅनडातील व्हँकूवर येथील भारतीय वाणिज्य दूतावास ताब्यात घेण्याची धमकी दिली आहे. संघटनेने एक निवेदन जारी करून दावा केला आहे की भारतीय वाणिज्य दूतावास खलिस्तानी समर्थकांना लक्ष करत आहे, म्हणूनच ही कारवाई करण्यात येणार आहे.