वस्तू आणि सेवा कर (GST) लागू करणे हे काँग्रेस सरकारच्या काळात अशक्य वाटत होते, असा घणाघात केंद्रीय अर्थमंत्री निर्मला सीतारामन यांनी केला आहे. त्यांनी सांगितले की, काँग्रेस सरकारने GSTसारखा महत्त्वाकांक्षी करसुधार योजना वर्षानुवर्षे केवळ चर्चेतच ठेवली, मात्र प्रत्यक्ष अंमलबजावणी करण्यात अपयश आले. “आज देशभरात एकसंध करप्रणाली यशस्वीरित्या राबवली जात आहे. जे काम काँग्रेस सरकारला अशक्य वाटले, ते मोदी सरकारने प्रत्यक्षात उतरवले,” असे सीतारामन यांनी स्पष्ट केले. तसेच, GSTमुळे देशांतर्गत व्यापार सुलभ झाला असून करप्रणाली अधिक पारदर्शक आणि कार्यक्षम झाल्याचे त्या म्हणाल्या.
काल पत्रकार परिषदेत बोलताना निर्मला सीतारमण म्हणाल्या, ‘काँग्रेस पक्ष तंबाखू आणि गुटख्यावर पाच टक्के कर लावण्याची मागणी करत आहे का? काँग्रेस पक्षाला वाटते की आम्ही तो पाच टक्के करावा. काँग्रेस पक्षाने त्यांच्या काळात जीएसटी लागू करणे अशक्य मानले होते. आम्ही पंतप्रधान मोदींच्या नेतृत्वाखाली दुसऱ्या पिढीतील सुधारणा लागू केल्या आहेत, जेणेकरून लोकांना त्यांच्या दैनंदिन गरजांमध्ये दिलासा मिळेल.’