भारतीय क्रिकेट संघाचे मुख्य प्रशिक्षक गौतम गंभीर प्रथमच छत्तीसगडमध्ये युवा क्रिकेटपटूंना प्रशिक्षण देणार आहेत. एप्रिल आणि मे महिन्यात एक विशेष क्रिकेट मास्टरक्लास आणि प्रशिक्षण शिबिर आयोजित करण्यात येणार आहे, जिथे इच्छुक खेळाडूंना गंभीर यांच्या मार्गदर्शनाखाली उच्चस्तरीय कोचिंग देणार आहे.
हे शिबिर एकाना आणि अरण्या यांच्या सहकार्याने आयोजित केले जात असून यामध्ये मयंक सिद्दाना (दिल्ली रणजी संघाचे माजी निवडकर्ता), सुहैल शर्मा (इंडिया कॅपिटल्सचे सहाय्यक प्रशिक्षक) आणि अतुल रानाडे (भारत ‘सी’ संघाचे माजी क्षेत्ररक्षण प्रशिक्षक) यांसारखे अनुभवी प्रशिक्षकही सामील असतील.
ही पहिलीच वेळ असेल जेव्हा भारतीय क्रिकेट संघाचे मुख्य प्रशिक्षक छत्तीसगडमध्ये प्रशिक्षण शिबिर आयोजित करणार आहेत. अलीकडेच रायपूरमध्ये आंतरराष्ट्रीय मास्टर्स लीग यशस्वीपणे पार पडल्यानंतर राज्यात क्रिकेटबद्दल मोठी उत्सुकता निर्माण झाली आहे.
इंडिया मास्टर्सने वेस्ट इंडिज मास्टर्सला सहा गडी राखून पराभूत करत इंटरनॅशनल मास्टर्स लीग (आयएमएल) २०२५ चे विजेतेपद पटकावले. या अंतिम सामन्यात क्रिकेटच्या सुवर्णयुगाचा नवा झंकार पाहायला मिळाला. दिग्गज सचिन तेंडुलकरच्या नेतृत्वाखाली इंडिया मास्टर्सने उत्कृष्ट अष्टपैलू खेळ दाखवत ब्रायन लारा यांच्या वेस्ट इंडिज मास्टर्सचा पराभव करत एसव्हीएन एस इंटरनॅशनल स्टेडियममध्ये प्रतिष्ठित जेतेपद आपल्या नावावर केले.
हेही वाचा :
फीफा विश्वचषक पात्रता फेऱ्यांसाठी मेस्सीला विश्रांती
न्यूझीलंडने पाकिस्तानला धु धु धुतले!
छत्रपती संभाजी महाराजांबाबत आक्षेपार्ह रील, दोन मुस्लीम तरुणांना अटक!
पंतप्रधान मोदींनी तुलसी गॅबार्ड यांची भेट घेत दिले महाकुंभातील गंगाजल!
गौतम गंभीर यांच्या उपस्थितीमुळे आता या भागातील युवा क्रिकेटपटूंना खेळातील एका महान खेळाडूकडून शिकण्याची सुवर्णसंधी मिळणार आहे. शिबिरामध्ये सहभागी होऊ इच्छिणाऱ्या खेळाडूंना २२ आणि २३ मार्च रोजी रायपूरच्या अवंती विहारमधील इमर्जिंग क्रिकेट ग्राउंडवर चाचणी प्रक्रियेत सहभागी व्हावे लागेल. निवड झाल्यानंतर खेळाडू एप्रिल आणि मे महिन्यात विशेष प्रशिक्षण शिबिरात भाग घेऊ शकतील.
प्रशिक्षण शिबिराची फी १६ वर्षांपेक्षा अधिक वयाच्या खेळाडूंसाठी १२,५०० रुपये आणि १६ वर्षांखालील खेळाडूंसाठी ९,००० रुपये आहे। सहभागी खेळाडूंना गौतम गंभीर यांच्या स्वाक्षरी असलेली क्रिकेट किट (टी-शर्ट आणि कॅप), पोषणयुक्त नाश्ता व हायड्रेशन सुविधा, भविष्यातील शिष्यवृत्तीच्या संधी, वाहतूक सेवा आणि गौतम गंभीर यांच्यासोबत थेट संवाद सत्र मिळेल.