भारतीय शेअर बाजारात गुंतवणूकदारांच्या सकारात्मक भावनेमुळे देशातील शीर्ष १० कंपन्यांपैकी ५ कंपन्यांच्या बाजारभांडवलात (मार्केटकॅप) मागील आठवड्यात ₹७२,२८४.७४ कोटींची वाढ झाली आहे. यामध्ये टाटा समूहाची आयटी कंपनी टाटा कन्सल्टन्सी सर्व्हिसेस (टीसीएस) हिच्या बाजारभांडवलात सर्वाधिक वाढ नोंदली गेली. ज्या कंपन्यांच्या मार्केटकॅपमध्ये वाढ झाली त्यात भारती एअरटेल, टीसीएस, आयसीआयसीआय बँक, इन्फोसिस आणि बजाज फायनान्स यांचा समावेश आहे. तर दुसरीकडे रिलायन्स इंडस्ट्रीज, एचडीएफसी बँक, स्टेट बँक ऑफ इंडिया (एसबीआय), एलअँडटी आणि भारतीय जीवन विमा निगम (एलआयसी) यांच्या बाजारभांडवलात घट झाली.
वाढ झालेल्या कंपन्या – टीसीएस चे बाजारभांडवल सर्वाधिक ₹३५,९०९.५२ कोटींनी वाढून ₹११,७१,८६२.३७ कोटी झाले. इन्फोसिस मध्ये ₹२३,४०४.५५ कोटी वाढ होऊन बाजारभांडवल ₹६,७१,३६६.५३ कोटी झाले. बजाज फायनान्स मध्ये ₹६,७२०.२८ कोटी वाढ होऊन बाजारभांडवल ₹६,५२,३९६.३९ कोटी झाले. भारती एअरटेल चे बाजारभांडवल ₹३,७९१.९० कोटींनी वाढून ₹१२,०१,८३२.७४ कोटी झाले. आयसीआयसीआय बँक चे बाजारभांडवल ₹२,४५८.४९ कोटींनी वाढून ₹९,९५,१८४.४६ कोटी झाले.
हेही वाचा..
म्युच्युअल फंड्स : इक्विटी गुंतवणुकीत नोव्हेंबरमध्ये तब्बल दुप्पट वाढ
श्रीलंकेत भारतीय सैन्याकडून आपत्कालीन शस्त्रक्रिया
सीबीआयने ग्रामीण बँकेच्या शाखा व्यवस्थापकासह दोघांना लाच घेताना रंगेहाथ पकडले
घट झालेल्या कंपन्या -रिलायन्स इंडस्ट्रीज चे बाजारभांडवल ₹३५,११६.७६ कोटींनी घसरून ₹२०,८५,२१८.७१ कोटी झाले. एलआयसी चे बाजारभांडवल ₹१५,५५९.४९ कोटींनी घसरून ₹५,५०,०२१.८० कोटी झाले. एसबीआय चे बाजारभांडवल ₹७,५२२.९६ कोटींनी कमी होऊन ₹८,९६,६६२.१९ कोटी झाले. एचडीएफसी बँक चे बाजारभांडवल ₹५,७२४.०३ कोटींनी कमी होऊन ₹१५,४३,०१९.६४ कोटी झाले. एलअँडटी चे बाजारभांडवल ₹४,१८५.३९ कोटींनी घसरून ₹५,५५,४५९.५६ कोटी झाले.
भारतीय शेअर बाजारासाठी पुढील आठवडा अत्यंत महत्त्वाचा असणार आहे. महागाईचे आकडे, म्युच्युअल फंडांची गुंतवणूक, एफआयआयची (परकीय गुंतवणूकदार) भूमिका आणि देश-विदेशातील आर्थिक घडामोडी यांचा परिणाम बाजारावर होईल. याशिवाय भारत-रशिया संबंधांची मजबुती आणि भारत-अमेरिका व्यापार चर्चांवरही गुंतवणूकदारांचे लक्ष राहणार आहे.