जेएनयूमध्ये ‘मोदी शहा तेरी कबर खुदेगी’च्या घोषणा

सर्वोच्च न्यायालयाने २०२० मधील उत्तर- पूर्व दिल्ली दंगलींशी संबंधित कट प्रकरणात महत्त्वपूर्ण निर्णय देत उमर खालिद आणि शर्जिल इमाम यांना जामीन देण्यास नकार दिला. यानंतर दिल्लीतील जवाहरलाल नेहरू विद्यापीठाच्या (जेएनयू) कॅम्पसमध्ये पंतप्रधान नरेंद्र मोदी, केंद्रीय गृहमंत्री अमित शाह यांच्याविरुद्ध वादग्रस्त घोषणाबाजी करण्यात आली. हे दोघेही गेल्या पाच वर्षांहून अधिक काळ तुरुंगात आहेत. २०२० च्या दिल्ली दंगलीशी संबंधित मोठा कट रचण्याच्या प्रकरणात त्यांच्यावर आरोप आहेत.

जेएनयू मधील घोषणाबाजीचे व्हिडीओ सोशल मीडियावर व्हायरल झाले असून जेएनयूच्या साबरमती वसतिगृहात काही लोकांनी घोषणाबाजी केली. डाव्या पक्षांच्या पाठिंब्याने जेएनयू विद्यार्थी संघटनेचे (जेएनयूएसयू) संयुक्त सचिव दानिश आणि त्यांचे सचिव सुनील हे घोषणाबाजी सुरू असताना घटनास्थळी होते. इतर डाव्या विचारसरणीच्या विद्यार्थी गटांनीही सहभाग घेतला. या घोषणांमध्ये ‘मोदी- शाह की कबर खुदेगी’ असे नारेही देण्यात आले. खालिद आणि इमाम हे देखील एकेकाळी जेएनयूमध्ये डाव्या विचारसरणीच्या घोषणाबाजी करणाऱ्या गटाचा भाग होते, जसे कन्हैया कुमार आणि शेहला रशीद होते.

हे ही वाचा..

व्हेनेझुएलामध्ये राष्ट्रपती राजवाड्याजवळ ड्रोन्स आणि गोळीबार! अमेरिकेने काय म्हटले?

बांगलादेशात हिंदू किराणा व्यापाऱ्याची हत्या

अंगारकी चतुर्थी: महत्त्व, पूजा विधी आणि धार्मिक मान्यता जाणून घ्या

दिवसाची योग्य सुरुवात करण्यासाठी सकाळी काय खावे आणि काय टाळावे?

उमर खालिद आणि शर्जिल इमाम यांना जामीन देण्यास न्यायालयाने नकार दिला. न्यायमूर्ती अरविंद कुमार आणि न्यायमूर्ती एन. व्ही. अंजारिया यांच्या खंडपीठाने हा निर्णय दिला. यापूर्वी १० डिसेंबर रोजी सर्व आरोपींच्या स्वतंत्र याचिकांवरील सुनावणी पूर्ण झाल्यानंतर सर्वोच्च न्यायालयाने निकाल राखून ठेवला होता. या याचिकांमध्ये दिल्ली उच्च न्यायालयाच्या २ सप्टेंबरच्या त्या आदेशाला आव्हान देण्यात आले होते, ज्यात दंगलींचा कट रचल्याच्या आरोपावरून दिलासा देण्यास नकार देण्यात आला होता. न्यायालयाच्या निर्णयानंतर उमर खालिद आणि शरजील इमाम यांना कारागृहातच राहावे लागणार असून, पाच अन्य आरोपींना दिलासा मिळाला आहे.