झारखंडमधील सुर्या हांसदा प्रकरण: “ही बनावट चकमक होती”

झारखंडमध्ये झालेल्या सुर्या हांसदा यांच्या चकमकीत मृत्यूच्या प्रकरणावर भाजपचे खासदार व बिहारप्रभारी दीपक प्रकाश यांनी गंभीर आरोप करत ही एक “बनावट चकमक” असल्याचा दावा केला आहे. एएनआयअशी संवाद साधताना ते म्हणाले, “सुर्या हांसदा यांना बनावट चकमकीत मारण्यात आले. ते विस्थापितांच्या हक्कांसाठी लढत होते. त्यांनी सत्ताधारी पक्षातील अनेक नेत्यांविरुद्ध आवाज उठवला होता, आणि म्हणूनच त्यांची हत्या करण्यात आली. ते तरुणांचा आवाज होते आणि कोळसा माफियांविरोधातही लढत होते.”

भाजप खासदारांच्या म्हणण्यानुसार, “त्यांच्या मारेकऱ्यांचे थेट संबंध सत्ताधारी गटातील लोकांशी आहेत. राज्य सरकारच्या आदेशावरूनच ही बनावट चकमक घडवण्यात आली.” दीपक प्रकाश पुढे म्हणाले, “जोपर्यंत या प्रकरणाची CBI चौकशी होत नाही, तोपर्यंत झारखंडात सामाजिक न्याय आहे, असे आम्ही मानणार नाही.”

दरम्यान, सुर्या हांसदा हे झारखंडमधील सामाजिक कार्यकर्ते आणि विस्थापितांच्या हक्कांसाठी लढणारे युवक होते. तर दुसरीकडे ते पोलिसांच्या रेकॉर्डमध्ये एक कुख्यात गुन्हेगार आहेत. सूर्या हंसदा यांनीही राजकारणात हात आजमावला होता. तथापि, वेगवेगळ्या पक्षांच्या तिकिटावर तीन वेळा विधानसभा निवडणूक लढवून देखील त्यांना फारसे यश मिळाले नाही. प्रथम सूर्या यांनी २००९ मध्ये जेव्हीएम (झारखंड विकास मोर्चा) च्या तिकिटावर, २०१९ मध्ये भाजपच्या  तिकिटावर आणि २०२४ मध्ये जेएलकेएम (झारखंड लोकतांत्रिक क्रांती मोर्चा) च्या तिकिटावर बोरिओ विधानसभा मतदारसंघातून निवडणूक लढवली होती. 

हे ही वाचा : 

पाकिस्तानात जन्मलेल्या क्रॅस्टोला १९ वर्षांनी मिळाले भारतीय नागरिकत्व!

वांद्रे येथे साकारतेय ५२ फुटी काशी विश्वनाथ मंदिर!

अमेरिकेकडून भारतावर २५% अतिरिक्त आयात कराची नोटीस जारी!

मुंबई गणेशोत्सवासाठी ३६,००० पोलिसांचा चोख बंदोबस्त!

दरम्यान, १० ऑगस्ट २०२५ रोजी पोलिसांनी देवघर जिल्ह्यातील नवडीह गावात सूर्या हंसदाला अटक केली. पोलिसांचा दावा आहे की चौकशीदरम्यान, शस्त्र वसूल करण्यासाठी घेऊन जात असताना, त्याच्या साथीदारांनी गोळीबार सुरू केला. दरम्यान, सूर्याने शस्त्र हिसकावण्याचा प्रयत्न केला आणि चकमकीत त्याचा मृत्यू झाला. मात्र, विरोधक व सामाजिक संघटनांकडून ही कारवाई बनावट असल्याचा आरोप केला जात आहे.