एलन मस्क यांच्या नेतृत्वाखालील इलेक्ट्रिक कार उत्पादक कंपनी टेस्ला मंगळवारी देशाच्या आर्थिक राजधानी मुंबईत आपल्या पहिल्या शोरूमच्या उद्घाटनासह भारतात प्रवेश करण्यास पूर्णपणे सज्ज आहे. या उद्घाटन कार्यक्रमात महाराष्ट्राचे मुख्यमंत्री देवेंद्र फडणवीस उपस्थित राहणार असून, यावेळी मॉडेल वाय (Model Y) आणि मॉडेल एस (Model S) हे वाहन मॉडेल्स लाँच करण्यात येणार आहेत. सध्या तरी टेस्लाची भारतात मॅन्युफॅक्चरिंग (उत्पादन) प्रक्रिया सुरू नाही. मुंबईतील या पहिल्या शोरूममध्ये विक्रीसाठी ठेवण्यात आलेल्या टेस्लाच्या गाड्या आयात केलेल्या (imported) असतील.
मुंबईतील हे टेस्लाचे शोरूम, जे “एक्सपीरियन्स सेंटर” म्हणून ओळखले जाईल, ४,००० चौरस फूट जागेत उभारण्यात आले आहे. हे शोरूम अमेरिकन टेक कंपनी अॅपलच्या बांद्रा-कुर्ला कॉम्प्लेक्स (BKC) येथील फ्लॅगशिप स्टोअरच्या जवळ आहे. तज्ज्ञांच्या मते, हा निर्णय टेस्लाच्या भारतासाठीच्या दीर्घकालीन विस्तार धोरणाचा भाग आहे. यासोबतच, टेस्ला इंडिया मोटर अँड एनर्जी प्रायव्हेट लिमिटेडने बीकेसीतील आगामी शोरूमच्या जवळ कुर्ला पश्चिम येथे २४,५०० चौरस फूट जागा भाड्याने घेऊन एक सर्व्हिस सेंटर स्थापन करण्याची योजना आखली आहे.
हेही वाचा..
भूकंपाच्या धकक्यांनी हादरले फिलीपिन्स
फौजा सिंह यांच्या निधनावर पंतप्रधानांनी व्यक्त केला शोक
गाडीच्या धडकेत ११४ वर्षीय मॅरेथॉनपटू फौजा सिंह यांचे निधन
मला आमंत्रित करायला नको होते का?
आतापर्यंत टेस्लाकडे भारतात एकूण चार व्यावसायिक मालमत्ता आहेत. पुण्यातील एक इंजिनिअरिंग सेंटर, बेंगळुरूमधील एक नोंदणीकृत कार्यालय, बीकेसीजवळ एक तात्पुरते कार्यालय आणि आता मुंबईतील हे शोरूम आणि सर्व्हिस सेंटर. टेस्लाने लोढा लॉजिस्टिक्स पार्कमध्ये जागा भाड्याने घेण्यासाठी सिटी एफसी मुंबई I प्रायव्हेट लिमिटेडमधील बेलिसिमोसोबत एक लीज आणि परवाना करार (lease and license agreement) केला आहे. हा करार पाच वर्षांसाठी असून, प्रारंभीचा मासिक भाडे ३७.५३ लाख रुपये इतके आहे. दस्तावेजांनुसार, या पूर्ण लीज कालावधीत टेस्ला सुमारे २५ कोटी रुपये भाडेभरपाई करणार आहे, ज्यामध्ये २.२५ कोटी रुपयांची सुरक्षा ठेव समाविष्ट आहे.
टेस्लाने स्पष्ट केले आहे की, सध्या त्यांची भारतामध्ये गाड्यांचे उत्पादन (मॅन्युफॅक्चरिंग) करण्याची योजना नाही, केवळ विक्रीसाठी शोरूम सुरू करणे हेच उद्दिष्ट आहे. केंद्रीय अवजड उद्योग मंत्री एच. डी. कुमारस्वामी यांनी मागील महिन्यात सांगितले होते की, “ते (टेस्ला) भारतात उत्पादनात स्वारस्य दाखवत नाहीत. त्यांनी पुढे सांगितले की, टेस्ला केवळ भारतामध्ये विक्रीसाठी शोरूम उघडण्याचा विचार करत आहे.