केंद्रीय गृहमंत्री अमित शाह यांनी गुरुवारी दावा केला की एनडीए जितकं मजबूत होईल, तितकंच बिहार समृद्ध बनेल. लालू कुटुंबावर हल्ला चढवत त्यांनी म्हटलं की लालू यादव, राबडी देवी आणि तेजस्वी यादव बिहारचा विकास कधीच करू शकत नाहीत. रोहतास जिल्ह्यातील डेहरी येथे १० जिल्ह्यांतील निवडक कार्यकर्त्यांच्या बैठकीत बोलताना अमित शाह म्हणाले की इतर पक्षांमध्ये नेते निवडणूक जिंकतात, पण भाजपा ही अशी पार्टी आहे जिथं कार्यकर्तेच निवडणूक जिंकतात.
त्यांनी सांगितलं की बिहारच्या जनतेनं राजद आणि त्यांच्या सहयोगींना सरकार चालवण्याची संधी दिली होती, पण तिथं खंडणी, हत्या अशा घटना सुरू झाल्या. अशा प्रकारे राज्य समृद्ध होऊ शकत नाही. जर युवकांना प्रगती करायची असेल आणि बिहारला विकासाच्या मार्गावर न्यायचं असेल तर येत्या निवडणुकीत एनडीए सरकारला मत देऊन मजबूत करावं लागेल. शाह यांनी कार्यकर्त्यांना आवाहन केलं की या भागातील ८० टक्के जागांवर एनडीए उमेदवारांना विजय मिळवून द्यावा.
हेही वाचा..
बांगलादेश निवडणूक आयोगाने शेख हसीनांचे मतदार ओळखपत्र केलं ब्लॉक!
”पंतप्रधान मोदींचं मोठं मन”, काँग्रेस खासदाराने का केलं कौतुक?
ईडीची आंध्र प्रदेश दारू घोटाळ्यात छापेमारी
आपण सर्व आव्हानांवर मात करण्यास समर्थ
अमित शाह यांनी लोकसभेतील विरोधी पक्षनेते राहुल गांधी यांच्या वोट अधिकार यात्राला “घुसखोर बचाव यात्रा” असं संबोधलं. त्यांनी लोकांना विचारलं की घुसखोरांना मतदानाचा अधिकार असावा का, त्यांना रेशन किंवा आयुष्मान कार्ड मिळावं का? तसेच त्यांनी कार्यकर्त्यांना आवाहन केलं की मुख्यमंत्री नीतीश कुमार यांच्या सरकारनं बिहारसाठी केलेली कामं प्रत्येक घरापर्यंत पोहोचवा. विरोधकांकडे बोट दाखवत शाह म्हणाले की हे लोक सत्तेत आले तर घुसखोरांची संख्या वाढेल.
बिहार सरकारनं अलीकडे केलेल्या घोषणांचा उल्लेख करत त्यांनी सांगितलं की आता १२५ युनिट वीज मोफत दिली जात आहे, सामाजिक पेन्शनची रक्कम वाढवली आहे. भ्रष्टाचार करणारे बिहारची भलाई करू शकत नाहीत; बिहारचं भविष्य एनडीए आहे. त्यांनी म्हटलं की एनडीए सरकारनं जेवढं काम केलं, तेवढं लालू यादव यांनी आयुष्यभरात केलं नाही. त्यांनी चारा घोटाळा केला, लॅंड फॉर जॉब घोटाळा केला आणि तुरुंगातसुद्धा घोटाळा केला. एकीकडे भ्रष्टाचाराने भरलेलं सरकार आहे आणि दुसरीकडे मोदी सरकार आहे, ज्यावर एकही भ्रष्टाचाराचा डाग नाही.