बांगलादेशच्या निवडणूक आयोगाने माजी पंतप्रधान शेख हसीना यांना मोठा धक्का दिला आहे. निवडणूक आयोगाच्या या निर्णयामुळे बांगलादेशच्या पदच्युत पंतप्रधान शेख हसीना यांच्या निवडणूक लढवण्याच्या आशा धुळीस मिळाल्या आहेत. निवडणूक आयोगाने शेख हसीना यांचे राष्ट्रीय ओळखपत्र “ब्लॉक” केले आहे, ज्यामुळे त्यांना पुढील वर्षी फेब्रुवारीमध्ये होणाऱ्या सार्वत्रिक निवडणुकीत मतदान करण्यापासून वंचित ठेवण्यात आले आहे.
मतदार ओळखपत्र ब्लॉक झाल्यास काय होईल?
“ज्याचे राष्ट्रीय ओळखपत्र (एनआयडी) लॉक केलेले आहे तो परदेशातून मतदान करू शकत नाही,” असे निवडणूक आयोगाचे सचिव अख्तर अहमद यांनी येथील निर्वाचन भवन येथे पत्रकारांना सांगितले. “त्यांचे (हसिना) एनआयडी लॉक केलेले आहे,” असे ते म्हणाले.
अहमद यांनी इतर कोणाचेही नाव घेतले नसले तरी, यूएनबी वृत्तसंस्था आणि ढाका ट्रिब्यून वृत्तपत्राने निवडणूक आयोगाच्या अधिकाऱ्यांना उद्धृत करून म्हटले आहे की हसीनाची धाकटी बहीण शेख रेहाना, मुलगा सजीब वाजेद जॉय आणि मुलगी सायमा वाजेद पुतुल यांचे एनआयडी देखील “लॉक” किंवा “ब्लॉक” करण्यात आले आहेत. तथापि, यानंतर शेख हसीना निवडणूक लढवू शकतील की नाही हे स्पष्ट झालेले नाही.
हे ही वाचा :
”पंतप्रधान मोदींचं मोठं मन”, काँग्रेस खासदाराने का केलं कौतुक?
आपण सर्व आव्हानांवर मात करण्यास समर्थ
ईडीची आंध्र प्रदेश दारू घोटाळ्यात छापेमारी
वैश्विक अर्थव्यवस्थेत भारताचा दबदबा
रेहानाच्या मुली ट्यूलिप रिझवाना सिद्दीक आणि अझमिना सिद्दीक, पुतण्या रदवान मुजीब सिद्दीक बॉबी, त्यांचे नातेवाईक आणि हसीनाचे माजी सुरक्षा सल्लागार, निवृत्त मेजर जनरल तारिक अहमद सिद्दीक, त्यांची पत्नी शाहीन सिद्दीक आणि मुलगी बुशरा सिद्दीक यांनाही मतदान करण्यापासून रोखण्यात आल्याचे वृत्त आहे. अहमद म्हणाले की, जे लोक “कायद्यापासून वाचण्यासाठी” किंवा इतर कारणांसाठी परदेशात गेले आहेत ते त्यांचे एनआयडी कार्ड सक्रिय राहिल्यास मतदान करू शकतात.
