बॉलिवूड अभिनेत्री जान्हवी कपूर हिने बांगलादेशमध्ये दीपू चंद्र दास नावाच्या हिंदू तरुणाच्या हत्येवर भाष्य केले आहे. दीपू दास याला मारहाण करून ठार मारण्यात आले, त्यानंतर झाडाला बांधण्यात आले आणि जाळण्यात आले. जान्हवीने तिच्या इंस्टाग्राम स्टोरीवर याबद्दल एक सविस्तर नोट शेअर केली आहे. ज्यामध्ये हल्ल्याचा निषेध करत तिने या घटनेचे वर्णन “क्रूर” असे केले आहे.
“बांगलादेशात जे घडत आहे ते क्रूर आहे. ती कत्तल आहे आणि ही एक वेगळी घटना नाही. जर तुम्हाला या अमानुष सार्वजनिक लिंचिंगबद्दल माहिती नसेल, तर त्याबद्दल वाचा, व्हिडिओ पहा, प्रश्न विचारा. आणि जर हे सर्व असूनही तुम्हाला राग येत नसेल, तर हाच ढोंगीपणा आहे जो आपल्याला कळण्यापूर्वीच आपल्याला नष्ट करेल,” असं म्हणत जान्हवीने संताप व्यक्त केला आहे. जान्हवी पुढे म्हणाली, “आपल्या स्वतःच्या भावंडांना जाळून मारले जात असताना आपण जगभर गोष्टींबद्दल रडत राहू. आपण आपली माणुसकी विसरण्यापूर्वी कोणत्याही आणि प्रत्येक स्वरूपात असलेल्या अतिरेकीपणाच्या विरोधात आवाज दिला पाहिजे आणि त्याचा निषेध केला पाहिजे.”
गुरुवारी रात्री बांगलादेशातील मयमनसिंग येथील भालुका येथे २५ वर्षीय कापड कारखान्यातील हिंदू कामगार दीपू चंद्र दास याची ईशनिंदेच्या आरोपावरून जमावाने मारहाण करून हत्या केली. त्यानंतर त्याचा मृतदेह झाडाला बांधून जाळण्यात आला होता. या हत्येप्रकरणी पोलिसांनी आतापर्यंत किमान १२ जणांना अटक केली आहे. दासवरील हल्ल्याने बांगलादेशमधील हिंसाचारावर आंतरराष्ट्रीय पातळीवर लक्ष वेधले आहे.
हे ही वाचा..
रुची ग्रुप बँक फसवणूक : ईडीची मोठी कारवाई
कॅन्सरपेक्षा अधिक धोकादायक धर्मांतर
फेब्रुवारी २०२६ मध्ये होणाऱ्या निवडणुकीत बांगलादेशच्या अवामी लीगवर बंदी
ठोकून काढूया! — प्रलय नव्हे, मूर्खपणाचं महापूर आलंय
जान्हवी कपूर हिने प्रतिक्रिया दिल्यानंतर अनेक वापरकर्त्यांनी या विषयावर भाष्य केल्याबद्दल तिचे कौतुक केले आहे. बाकीचे बॉलिवूड कलाकार मुस्लिम बाजारातील पैसा गमावण्याच्या भीतीने, बहिष्कार टाकण्याच्या किंवा त्यांची ‘पुरोगामी’ प्रतिमा खराब होण्याच्या भीतीने गप्प बसले आहेत, असे वापरकर्त्यांनी म्हटले आहे. तर काहींनी म्हटले आहे की, इस्लामिक अतिरेकीपणाचा निषेध करण्याची तिची खरी हिंमत आहे, त्यात कोणताही ढोंगीपणा नाही. पुढे असेही म्हटले आहे की, जान्हवी आजूबाजूला घडणाऱ्या गोष्टींबद्दल जागरूक आहे आणि तिच्यात त्या गोष्टींसाठी आवाज उठवण्याची हिंमत आहे.