ज्येष्ठ पत्रकार रवीश कुमार यांचा एक व्हिडिओ सध्या सोशल मीडियावर जबरदस्त व्हायरल होत आहे. ज्यामध्ये त्यांनी नुकत्याच उद्घाटन झालेल्या उत्तर प्रदेशमधील ‘गंगा एक्सप्रेसवे’वर प्रतिक्रिया दिली आहे. या व्हिडिओमध्ये रवीश कुमार यांनी उत्तर प्रदेश सरकारच्या विकासकामांवर नाराजी व्यक्त केली असून, एक्सप्रेसवेमुळे प्रवासाचा वेळ कमी होण्याच्या फायद्यांवर प्रश्नचिन्ह उपस्थित केले आहेत. यामुळे ते टीकेचे धनी बनले आहेत.
व्हिडिओमध्ये रवीश कुमार म्हणतात, “मला सांगा, तुम्ही प्रयागराजला पाच तास आधी पोहोचलात तर काय कराल? खरी मजा प्रवासात असते, पोहोचण्यात नाही. मग सरकार द्रुतगती मार्ग बांधून लोकांचा प्रवास का कमी करत आहे?” म्हणजेच ते म्हणत आहेत की, गंतव्यस्थानी लवकर पोहोचण्यापेक्षा प्रवासाचा अनुभव अधिक महत्त्वाचा आहे. त्यांच्या या अजब प्रश्नांवर सोशल मीडिया वापरकर्त्यांकडून तीव्र प्रतिक्रिया उमटत आहेत. निराशेने ग्रासलेले रवीश कुमार विकासकामांवर नाराजी व्यक्त करत असल्याचे काही वापरकर्ते म्हणाले आहेत.
अनेक वापरकर्त्यांनी असे निदर्शनास आणून दिले आहे की, अशा प्रकारची टीका ही एका अशा प्रवृत्तीचे प्रतिबिंब आहे, जिथे विकास प्रकल्पांना त्यांच्या फायद्यांचा विचार न करता विरोध केला जातो. धोरणांचे प्रत्यक्ष परिणाम किंवा निष्पत्तीच्या आधारावर मूल्यांकन करण्याऐवजी, ज्या राजकीय नेत्याशी आपले मतभेद आहेत त्याच्याशी संबंधित कोणत्याही गोष्टीला विरोध करण्याची उदारमतवादी विचारसरणीच्या काही गटांमधील ही एक मोठी प्रवृत्ती आहे, जी यातून दिसून येते.
हे ही वाचा:
सार्वजनिक ठिकाणी नमाज अदा करणे मूलभूत अधिकार नाही
इस्लामाबादमध्ये हिजबुल मुजाहिद्दीनच्या कमांडरचा मृतदेह सापडला
एकाचवेळी सर्वांचे फोन वाजले, मोबाईलवर आला अलर्ट! नेमकं प्रकरण काय?
बारावीच्या निकालात कोकण विभाग अव्वल तर मुलींची बाजी!
बुधवार, २९ एप्रिल रोजी नरेंद्र मोदी यांच्या हस्ते सदर द्रुतगती मार्गाचे उद्घाटन करण्यात आले. ५९४ किलोमीटर लांबीचा हा प्रकल्प मेरठला प्रयागराजशी जोडतो आणि त्यामुळे संपूर्ण उत्तर प्रदेशातील संपर्क व्यवस्था सुधारण्याची अपेक्षा आहे. १२ जिल्ह्यांमधून जाणाऱ्या या मार्गामुळे प्रवासाचा वेळ सुमारे १०-१२ तासांवरून केवळ ६-८ तासांपर्यंत कमी होईल, तसेच इंधनाचा वापर ३० टक्क्यांपर्यंत कमी होईल, अशी रचना करण्यात आली आहे. अधिकाऱ्यांच्या मते, या प्रकल्पामुळे उद्योग, दळणवळण, कृषी आणि एकूणच प्रादेशिक विकासाला चालना मिळेल.