उत्तर प्रदेशची राजधानी लखनऊमध्ये एक अतिशय धक्कादायक घटना समोर आली आहे. राजधानीतील हजरतगंज येथील मल्टी-लेव्हल पार्किंगच्या पहिल्या मजल्यावर नंबर प्लेट नसलेल्या महिंद्रा थार गाडीत गोमांस आढळून आले आहे. मिळालेल्या माहितीनुसार, गाडीचा मालक कुठेतरी गोमांस घेऊन जाण्याचा प्रयत्न करत होता. या प्रकरणाची माहिती मिळताच पोलिसांनी तातडीने कारवाई करत घटनास्थळी पोहोचून कारवाई केली.
हजरतगंजमध्ये एका वाहनात गोमांस सापडल्याची माहिती मिळताच, चौकी प्रमुख शिवानी सिंह यांनी पोलिसांसह कारवाई केली. पोलिसांनी मल्टी-लेव्हल पार्किंगमध्ये पार्क केलेली काळी महिंद्रा थार जप्त केली आहे. पोलिसांनी महिंद्रा थार गाडी उघडली तेव्हा त्यांना अनेक कॅरी बॅगमधील ट्रंकमध्ये २० किलो गोमांस आणि इतर वस्तू आढळल्या.
या प्रकरणात कारवाई करत पोलिसांनी वाहन मालक मोहम्मद वासिफ याला ताब्यात घेतले आणि घटनास्थळी त्याची चौकशी केली. पोलिसांनी आरोपीला गोमांसासह अटक केली. हजरतगंज एसीपी विकास जयस्वाल आणि निरीक्षक विक्रम सिंह यांच्या नेतृत्वाखाली पोलिसांना हे यश मिळाले. मिळालेल्या माहितीनुसार, आरोपी हा गिनी रोड पोलीस स्टेशन अमिनाबाद परिसरातील रहिवासी आहे.
हे ही वाचा :
भारत-रशिया संरक्षण भागीदारी मजबूत; S-४०० ची नवी खेप लवकरच!