सोमवारी पोलिस अधिकाऱ्यांनी सांगितले की, अभिनेत्री शेफाली जरीवालाच्या अचानक मृत्यूच्या तपासादरम्यान त्यांच्या घरी दोन औषधांच्या पेट्या आढळून आल्या आहेत. मुंबई पोलिस अजूनही पोस्टमॉर्टेम अहवालाची प्रतीक्षा करत असून, त्यानंतरच मृत्यूचे नेमके कारण स्पष्ट होईल.
अधिकाऱ्यांनी सांगितले की, जरीवाला त्वचा उजळण्यासाठी आणि वृद्धत्व रोखण्यासाठी काही औषधे वापरत होत्या. पोलिसांना त्यांच्या घरी ग्लुटाथायोन (Glutathione) नावाचे अँटी-एजिंग औषध आणि त्वचा उजळवणारी औषधे असलेल्या गोळ्या आणि व्हायल्सच्या दोन पेट्या सापडल्या.
यापूर्वी, पोलिसांनी हेही स्पष्ट केले होते की त्यांच्या मृत्यूत कोणताही संशयास्पद प्रकार आढळलेला नाही.
पोलिस अधिकाऱ्यांनी पुढे सांगितले की, त्यांनी डॉक्टरांशी चर्चा करून त्या औषधांबाबत सविस्तर माहिती शेअर केली आहे. शेफाली त्या दिवशी उपवासावर होत्या आणि उपाशी पोटी होत्या. त्या दिवशी त्यांनी उपाशी पोटी ग्लुटाथायोनचा एक व्हायल घेतल्याचे समजले. डॉक्टरांच्या अंदाजानुसार, त्यांच्यात रक्तदाबाचा अचानक घट झाला असावा, ज्यामुळे हृदयविकाराचा झटका (कार्डियाक अरेस्ट) आला असावा.
हे ही वाचा:
अलीगढमध्ये कावड यात्रेची तयारी जोमात
सीतारामन स्पेन, पोर्तुगाल आणि ब्राझीलच्या दौऱ्यावर
आंतरराष्ट्रीय ड्रग कार्टेलचा पर्दाफाश
भारताच्या इतिहासातील सर्वात मोठा विकास बघा…
पोलिस औषधांशी संबंधित सर्व पैलूंचा तपास करत आहेत आणि पोस्टमॉर्टेम अहवाल आल्यानंतरच मृत्यूचे अधिकृत कारण जाहीर केले जाईल.
शेफाली जरीवाला यांचा २७ जूनच्या रात्री त्यांच्या घरी मृत्यू झाला. पती, अभिनेते पराग त्यागी यांनी त्यांना तातडीने रुग्णालयात नेले, परंतु डॉक्टरांनी त्यांना मृत घोषित केले. शेफाली विविध हिंदी रिऍलिटी शोमध्ये सहभागी झाल्यामुळे प्रसिद्ध होत्या, ज्यात ‘बिग बॉस १३’ आणि ‘नच बलिए’ यांचा समावेश आहे. त्यांना ९०च्या दशकातील लोकप्रिय गाणे ‘काँटा लगा’ मधील नृत्यामुळे सर्वप्रथम ओळख मिळाली होती.