“ऑपरेशन सिंदूरद्वारे केलेल्या धाडसी कारवाईचे कौतुक…” मीर यार बलोच यांनी पत्रात काय म्हटले?

बलुचिस्तानमधील लोकांना पाकिस्तानपासून वेगळे होण्याची इच्छा असून यासाठी सातत्याने त्यांचे प्रयत्न सुरू आहेत. पाकिस्तान सरकारवरील आणि लष्करावरील संताप व्यक्त करण्यासाठी सातत्याने बलोच लोक आवाज उठवत असल्याचे समोर आले आहे. बलुचिस्तानचे प्रमुख मानवाधिकार कार्यकर्ते मीर यार बलोच यांनी मे २०२५ मध्ये पाकिस्तानपासून स्वातंत्र्याची घोषणा केली. अशातच त्यांनी आता घोषणा केली आहे की, बलुचिस्तान प्रजासत्ताक २०२६ च्या पहिल्या आठवड्यात “२०२६ बलुचिस्तान ग्लोबल डिप्लोमॅटिक वीक” साजरा करेल, ज्यामुळे बलुचिस्तान जगभरातील देशांशी थेट संवाद साधू शकेल. या संपर्काचा एक भाग म्हणून, मीर यार बलोच यांनी भारतीय परराष्ट्र मंत्री एस. जयशंकर यांना पत्र लिहून म्हटले आहे की, बलुचिस्तानचे लोक भारताच्या पाठीशी ठामपणे उभे आहेत.

बलुचिस्तानच्या बलुचिस्तान प्रजासत्ताकाचे प्रतिनिधित्व करणारे मीर यार बलोच यांनी पत्र लिहिले की, “आम्ही (बलूच लोक) गेल्या वर्षी मोदी सरकारने ऑपरेशन सिंदूरद्वारे केलेल्या धाडसी आणि दृढनिश्चयी कारवाईचे कौतुक करतो, ज्याने विशेषतः पाकिस्तान पुरस्कृत दहशतवादी केंद्रांना लक्ष्य केले होते आणि पहलगाम दहशतवादी हल्ल्याला प्रत्युत्तर म्हणून पाकिस्तानी सैन्याविरुद्ध सुरू करण्यात आले होते. ही कारवाई अनुकरणीय धैर्य आणि प्रादेशिक सुरक्षा आणि न्यायासाठी दृढ वचनबद्धता दर्शवते.”

मीर बलोच यांनी पुढे लिहिले की, “बलुचिस्तानच्या लोकांनी ७९ वर्षे पाकिस्तानी कब्जा, राज्य पुरस्कृत दहशतवाद आणि गंभीर मानवी हक्कांचे उल्लंघन सहन केले. या भयानक दुःखाला मुळापासून नष्ट करण्याची आणि आपल्या राष्ट्रासाठी शाश्वत शांतता आणि सार्वभौमत्व सुनिश्चित करण्याची वेळ आली आहे. बलुचिस्तानच्या लोकांच्या वतीने, आम्ही शांतता, समृद्धी, विकास, व्यापार, संरक्षण, सुरक्षा, भविष्यातील ऊर्जा आव्हाने आणि लपलेल्या धोक्यांचे उच्चाटन यासह मैत्री, विश्वास आणि परस्पर हितसंबंधांना प्रोत्साहन देण्यासाठी भारत आणि त्याच्या सरकारला आमचा अटळ पाठिंबा पुन्हा व्यक्त करतो.”

भारत आणि बलुचिस्तानमधील सहकार्य ही काळाची गरज असल्याचे सांगत मीर बलोच यांनी लिहिले की, “भारत आणि बलुचिस्तानसमोरील धोके वास्तविक आणि निकटवर्ती आहेत. म्हणूनच, आपले द्विपक्षीय संबंध तितकेच ठोस आणि कृतीशील असले पाहिजेत. बलुचिस्तान पाकिस्तान आणि चीनमधील वाढत्या धोरणात्मक युतीला अत्यंत धोकादायक मानतो. आम्ही इशारा देतो की चीनने पाकिस्तानशी संगनमत करून चीन-पाकिस्तान आर्थिक कॉरिडॉर (CPEC) त्याच्या अंतिम टप्प्यात आहे.” त्यांनी पुढे लिहिले की, “जर बलुचिस्तान सैन्याच्या क्षमता अधिक बळकट केल्या नाहीत आणि जर त्या दीर्घकालीन पद्धतीनुसार दुर्लक्षित राहिल्या तर काही महिन्यांत चीन बलुचिस्तानमध्ये आपले लष्करी सैन्य तैनात करू शकतो अशी शक्यता आहे. ६ कोटी बलुचिस्तानच्या जनतेच्या संमतीशिवाय बलुचिस्तानच्या भूमीवर चिनी सैन्याची उपस्थिती भारत आणि बलुचिस्तान दोघांच्याही भविष्यासाठी एक अकल्पनीय धोका आणि आव्हान निर्माण करेल.

हे ही वाचा:

“मामूसारख्यांच्या भजनी लागलेले ज्वलंत हिंदुत्ववादी बांगलादेशातील हिंदूंविषयी बोलत नाहीत”

राहुल गांधींचा दावा खोटा; कर्नाटकचे सर्वेक्षण म्हणते ईव्हीएम योग्य!

बांगलादेशमध्ये हिंदू व्यावसायिकाला चाकूने मारहाण करून जाळले

डबघाईला आलेल्या अर्थव्यवस्थेवरून इराणमध्ये हिंसक निदर्शने; सात जणांचा मृत्यू

मीर यार बलोच हे एक प्रमुख बलोच मानवाधिकार कार्यकर्ते, लेखक आणि फ्री बलोचिस्तान चळवळीचे प्रतिनिधी आहेत. त्यांनी विविध व्यासपीठांवर बलोचिस्तानच्या पाकिस्तानपासून स्वातंत्र्यासाठी वारंवार भाष्य केले आहे. १४ मे २०२५ रोजी मीर यार बलोच यांनी औपचारिकपणे “बलोचिस्तान प्रजासत्ताक”चे पाकिस्तानपासून स्वातंत्र्य घोषित केले. पाकिस्तानी सरकार आणि लष्कराकडून दशकांच्या नरसंहार आणि मानवी हक्कांच्या उल्लंघनानंतर त्यांनी हा राष्ट्रीय निर्णय म्हणून वर्णन केला.