तामिळगा वेत्री कझगम (टीव्हीके) तामिळनाडूमध्ये सर्वात मोठा पक्ष ठरण्याच्या मार्गावर असताना, या पक्षाचा संस्थापक आणि सुपरस्टार अभिनेता विजय याच्या कुटुंबात जल्लोषाचे वातावरण पाहायला मिळाले. त्यांच्या कुटुंबीयांनी त्यांच्या द ग्रेटेस्ट ऑफ ऑल टाइम या चित्रपटातील व्हिसल पोडू या गाण्यावर नाचत-गात आनंद साजरा केला.
मतमोजणीदरम्यान चेन्नई येथे टीव्हीके आघाडीवर असल्याचे चित्र दिसत असताना, विजय यांच्या आई शोभा चंद्रशेखर यांनी आनंद व्यक्त केला. त्यांचे वडील एस.ए चंद्रशेखर म्हणाले, “ती फक्त त्याची आई नाही, ती त्याची पहिली चाहती आहे. ती खूप आनंदी आहे.”
चंद्रशेखर यांनी सांगितले की गेल्या ३० वर्षांपासून विजय यांना तामिळनाडूसाठी काहीतरी करण्याची इच्छा होती आणि आता त्यांच्या या प्रयत्नांचे फळ दिसत आहे. “एक माणूस म्हणून तुम्ही फक्त कलाकार नसून समाजासाठी विचार करणारे असायला हवे. आज तो (विजय) मुख्यमंत्री होणार आहे,” असे त्यांनी म्हटले.
हे ही वाचा:
भारत- श्रीलंकेतील सागरी सहकार्य बळकटीकरणासाठी INS Sindhukesari कोलंबोत
विजय यांच्या समर्थकाने अफवा ऐकून गळा चिरून केला आत्महत्येचा प्रयत्न
जर्मनीतील अमेरिकन सैन्य कपात वाढणार? डोनाल्ड ट्रम्प यांचा मोठा संकेत
ते पुढे म्हणाले, “मागील दोन वर्षांत त्यांचा आत्मविश्वास जबरदस्त वाढला आहे. कोणत्याही आघाडीशिवाय स्वतःच्या बळावर उभे राहण्याची त्यांची धाडस ही नेतृत्वाची खूण आहे. मला वाटते ही ऐतिहासिक यश आणि विजय आहे.” त्यांनी असेही सांगितले की तामिळनाडूतील लोक विजय यांना फक्त नेता म्हणून नव्हे, तर कुटुंबातील सदस्याप्रमाणे पाहतात. महिला त्यांना मुलासारखे, तर काही लोक भाऊ किंवा नातवाप्रमाणे मानतात.
टीव्हीकेने १३० पेक्षा जास्त जागांवर आघाडी घेतल्याचे दिसत आहे, जे बहुमतासाठी आवश्यक असलेल्या ११८ या आकड्यापेक्षा जास्त आहे. तामिळनाडूतील निवडणुकीसाठी मतदान २३ एप्रिल रोजी एका टप्प्यात झाले होते.
‘थलपथी’ म्हणून ओळखले जाणारे विजय त्यांच्या प्रचंड चाहतावर्गामुळे तामिळनाडूच्या राजकारणात महत्त्वाचे खेळाडू म्हणून उदयास आले आहेत.