वेस्ट इंडिजने आयर्लंड आणि इंग्लंडविरुद्ध होणाऱ्या आगामी वनडे मालिकांसाठी पंधरा सदस्यीय संघ जाहीर केला आहे. मात्र या संघात शिमरॉन हेटमायरला स्थान देण्यात आलेले नाही. तो सध्या आयपीएलमध्ये राजस्थान रॉयल्ससाठी खेळत असल्याने अनुपस्थित राहणार आहे.
शाई होपकडे पुन्हा नेतृत्वाची धुरा सोपवण्यात आली असून ब्रँडन किंग, एविन लुईस, आणि कीसी कार्टी यांसारखे अनुभवी फलंदाज तसेच अंडर-१९ विश्वचषकात चमक दाखवणारा युवा खेळाडू ज्वेल अँड्र्यू याचा समावेश संघात करण्यात आला आहे.
मुख्य कोच डॅरेन सॅमी यांनी सांगितले की, “२०२७ च्या विश्वचषकाच्या तयारीचा हा महत्त्वाचा टप्पा आहे. इंग्लंड व बांगलादेशविरुद्ध मिळवलेल्या यशानंतर आम्ही एक स्थिर आणि मजबूत संघ घडवण्याच्या वाटेवर आहोत.”
यावेळी रवि रामपाल हे नवीन गोलंदाजी प्रशिक्षक म्हणून जबाबदारी सांभाळणार असून केविन ओ’ब्रायन आयर्लंड दौऱ्यासाठी मार्गदर्शक भूमिका बजावतील.
🏏 वेस्ट इंडिज वनडे संघ:
शाई होप (कर्णधार), ज्वेल अँड्र्यू, कीसी कार्टी, रोस्टन चेस, मैथ्यू फोर्ड, जस्टिन ग्रीव्स, आमिर जंगू, अल्जारी जोसेफ, शमर जोसेफ, ब्रँडन किंग, एविन लुईस, गुडाकेश मोटी, शेरफेन रदरफोर्ड, जेडन सील्स, रोमारियो शेफर्ड
📅 मालिका वेळापत्रक:
आयर्लंडविरुद्ध (डब्लिन):
-
२१ मे: पहिली वनडे
-
२३ मे: दुसरी वनडे
-
२५ मे: तिसरी वनडे
इंग्लंडविरुद्ध:
-
२९ मे: पहिली वनडे – बर्मिंघम
-
१ जून: दुसरी वनडे – कार्डिफ
-
३ जून: तिसरी वनडे – द ओव्हल
क्रिकेट चाहत्यांसाठी ही मालिका खऱ्या अर्थाने ‘रोड टू वर्ल्ड कप २०२७’ ठरणार आहे!